CHADEMA YAPATA PIGO KYELA

KYELA

SIKU Chache baada ya waziri mkuu mtaafu na mjumbe wa kamati kuu Chadema Edward Lowasa kumpongeza Rais John Magufuli,kwa utendaji kazi mzuru,hatimaye wanachama 52 akiwemo mwenyekiti wa kitongoji na mke wa mwenyekiti wa kijiji kupitia Chadema,wamehamia chama cha mapinduzi (CCM).

Lowasa ambaye alikuwa mgombea urais kupitia Ukawa, siku za hivi karibuni alienda Ikulu kumtembelea Rais Magufuli kuzungumza mambo  mbalimbali ambapo alizungumza wazi akisifu kazi nzuri inayofanywa na serikali ya awamu ya tano inayoongozwa na Rasi Magufuli na kuzua minong’ono huku baadhi watu kuoji sababu ya kusifu.

Akizungumza hapo juzi siku ya jumapili katika hafla ya kumpokea aliyekuwa mwenyekiti wa kitongoji cha Lugoje kijiji cha Tenende kata ya Mwaya Adamson Mwangomo (CHADEMA) katibu wa siasa itikadi na uenezi ccm wilaya,Emmanuel Mwamulinge,alisema mwenyekiti huyo,ameamua kurudi ccm kwa ridhaa yake mwenyewe.

Alisema mbali na mwenyekiti huyo pia uongozi wa ccm kata ya Ndobo imewapokea wanachama 50 kutoka Chadema akiwemo mke wa mwenyekiti wa kijiji cha Bwato,kupitia Chadema,ambapo CCM wilaya imepanga kuwatamburisha na kuwapa kadi siku ya sherehe za maadhimisho ya miaka 41 ya kuzaliwa chama.

Akizungumzia sababu ya kuhama kwake Adamson Mwangomo,alisema bila kupepesa macho na kushawishiwa na mtu,ameamua kuiacha nafasi hiyo ya uenyekiti na kuhamia Ccm kwa kuwa ameridhika na utawara wa serikali ya awamu ya tano na pia umakini wa viongozi wa ccm wilaya.

Katibu wa ccm wilaya,Christina Kibiki,alisema licha ya mwenyekiti huyo kuhamia ccm,pamoja na wanachama wengine 50 akiwemo mke wa mwenyekiti kupitia Chadema,alisema wapo wengine wengi wamejiunga na ccm ambapo siku ya maadhimisho ya kuzaliwa chama watawapatia kadina utaratibu mungine.

Mwenyekiti wa Chadema wilayani humo,Lumuli Kasyupa,alisema hana taarifa juu ya wanachama hao 50 kuhamia ccm,ila alisema amepata taarifa juu ya mwenyekiti kujiunga na ccm na kusema kuwa Chadema haiteteleki kwani inawatu wengi kuliko ccm.

Akizungumza kwa njia ya Mtandao kutoka nchini Ujerumani,mwenyekiti wa CCM wilayani humo,Ally Mlaghila (KINANASI) alisema watu hao wanaohamia ccm wameona jinsi serikali inavyochapa kazi hivyo wameona ni bora warudi nyumbani waungane nao pamoja ili kusaidiana kuwatumikia wananchi.