WAKULIMA MKOANI RUKWA WAMEIOMBA SERIKALI KUBORESHA MASOKO YA MAZAO YA NAFAKA

 

KARAMBO-RUKWA

KATIKA  jitihada   za   kuifikia   Tanzania  ya   viwanda,   wakulima mkoani   Rukwa   wameiomba  serikali    kuboresha   masoko  ya   mazao  ya  nafaka   sambamba  na  kuendana  na  ushindani  wa  kibiashara  kwa  lengo  la   kuwawezesha  wakulima   kuuza  mazao   yao  kwa  bei  nzuri  na  hatimaye  kujikwamua  na  hali  ya  kuchumi.

Wakiongea   wakati  wa   ufunguzi  wa  maonyesho  ya  nanenane   yalifanyika  katika  soko  kuu  la  mazao  ya  nafaka   wilaya  ya  kalambo  mkoani  Rukwa , wamesema  ili  kufikia   kilimo  chenye   tija  serikali  haina  budi   kuleta  pembejeo    kwa  wakati   muafaka .

Wamesema    serikali  imekuwa   ikileta  mbolea   peke  yake  bila    mbegu   hali  ambayo  imekuwa   ikiwapa   wakati  mgumu  wakulima  na   kushindwa  kuzalisha    mazao  kwa  wingi  kutokana   na  kutumia  mbegu   zisizokuwa  na  ubora.

Aidha   wameiomba  serikali  kuboresha  viwanda   vidodogo  vya  uzalishaji  wa  unga  wa  sembe  sambamba  na  kutoa  elimu  elekezi  kwa  wamiliki  ili  kuwawezesha   kufungua  viwanda  vikubwa  zaidi.

Akiongea   kwa  niaba   ya  mkuu  wa  wilaya  ya  kalambo, katibu  tawala   wilayani  humo  Frank  Sichalwe ambae  alikuwa  mgeni  lasimu  kwenye  ufunguzi  wa maonyesho   hayo, amesema    lengo  ni  kuwawezesha  wakulima  kubadilishana  uzoefu wa  kilimo  sambamba  na  kupata  elimu   ya  uzalishaji   wa  mazao.