WANANCHI WA KIJIJI CHA SHOMOLA KATA YA MLANGALI WILAYANI MBOZI MKOANI SONGWE WAMEUPONGEZA UONGOZI WAO

Wakazi wa wilaya ya Mbozi mkoani Songwe

MBOZI-SONGWE

Wananchi wa kijiji cha shomola kata ya mlangali wilayani mbozi mkoani songwe wameupongeza uongozi wao kwa kuwahamasisha katika shughuli mbalimbali za maendeleo ikiwemo ujenzi wa nyumba za walimu katika shule ya msingi shomola

Wakizungumza na blog hii   wananchi hao JULIUSI MWASANGA pomoja na RENA MWAJAJA  wamesema kuwa uongozi wa kijiji unawahamasisha mara kwa mara shughuli mbalimbali  za maendeleo na kwa sasa wameshaanza ujenzi wa nyumba nne za walimu ambazo zinatarajiwa kukamilika ifikapo tarehe 30 mwezi wa nane mwaka huu.

Kwaupande wao walimu wa shule hiyo ya shomola akiwemo BONIVENTURE MGALLA wamesema kuwa wanashilikiana vema na wananchi pamoja na viongozi katika ujenzi wa nyumba hizo na kuendelea kuushukuru uongozi  kwa juhudi za uhamasishaji wa maendeleo ndani ya kijiji hicho.

Kwa upande wake afisa mtendaji wa kijiji hicho SHADRACK MGALLA amesema kuwa ujenzi huo  unategemea nguvu kubwa kutoka kwa wananchi ambao wamekuwa wakijitoa katika shughuli hizo za ujenzi wa nyumba za walimu kwa kutoa michango na kuwataka wananchi kuendelea kujitoa vivyo hivyo katika shughuli hizo.

Pia MGALLA ameendelea kwa kuongeza kuwa wananchi waendelee kujitoa kufanya maendeleo bila ya kutegemea misaada kwakua misada inaweza kuchelewa na kwa wale watakao kaidi kuhudhuria katika shughuli hizo za maendeleo watachukuliwa hatua za kisheria.