WAKAZI WA ILOMBA MKOANI MBEYA WATAKIWA KUSHIRIKIANA NA VIONGOZI WAO

Wakazi wa ilomba mbeya wakimsikiriza mwenyekiti wa mtaa wao

ILOMBA-MBEYA

Wananchi wa kata ya ilomba mkoani mbeya wametakiwa kushirikiana na viongozi wao kuanzia ngazi ya mtaa kata na hata taifa katika shughuli za maendeleo na kuachana na malumbano baina yao na viongozi wao.

Hali hiyo imekuja kutokana na baadhi ya viongozi kushindwa kutatua kero zinazowakabili wananchi ikiwa ni pamoja na kusikiliza kero zao hali inayoleta uhasama baina yao wananchi na viongozi na kupelekea kushindwa kushirikiana kikamilifu katika shughuli mbalimbali za maendeleo.

Mtendaji wa kata ya ilomba jijini mbeya MATIUS NJIZIPYA amesema kuwa bado wanaendelea kuwakumbusha wananchi juu ya kushiriki shughuli za kimaendeleo kwa kata mitaa hata taifa ikiwa ni pamoja na ujenzi wa shule na zahanati.

Hata hivyo mtendaji huyo ameongeza kuwa kutokana na mfumo wa elimu bure wananchi wengi wamekuwa hawana uelewa wa kutosha juu ya elimu bure pindi wanapohitajika kuchangia fedha za uboreshaji wa miundo mbinu ya shule kushindwa kutoa kwa wakati na  kumwataka wananchi kuwa na uelewa juu ya elimu bure ili waweze kukamilisha maendeleo yao.

Kwaupande wao wananchi akiwemo HAMISI JUMA pamoja na AISHA KIMARO wamesema kuwa hali ya kutochangia fedha za maendeleo ndani ya mitaa na kata zao   ni kutokana na baadhi ya viongozi kutokuwa waaminifu ikiwa ni pamoja na kutowasomea mapato na matumizi katika mitaa yao.