WAKAZI WA HEZYA WILAYA YA MBOZI WATAKIWA KUWA NA SUBIRA.

Wakazi wa hezya

MBOZI-SONGWE

Wananchi katika Kijiji cha haraka kata ya Hezya Wilayani Mbozi Mkoani Songwe wametakiwa kuwa na Subira kwa kipindi haki ambacho Serikali inataka kutoa ajira kwa Wahudumu wa Afya katika Zahanati, Hospitali na Vituo vya Afya nchini kote.

Hayo yamesemwa na Mganga Mkuu Wilaya ya Mbozi Janeth Makoye baada ya kupoke malalamiko kutoka kwa Wananchi wa kijiji hicho kukosa wahudumu kwa kipindi cha miaka 16 sasa na kuwafanya  kutembea umbali mrefu kwa ajili ya kufata huduma hiyo.

Wakizungumza mbele ya Mbunge wa Vwawa Japhet Hasunga baadhi ya Wananchi hao Anna Chisunga na Mitres Shale wamesema kuwa katika Zahanati yao hapo kijijini haina Wahadumu jambo linalowafanya kutembea umbali mrefu kwa ajili ya kupata huduma za Afya na wakati mwingine kupoteza ndug zao wanapokuwa njiani

Lamecka Ndabila mwenyekiti wa kijiji hicho amekiri kuwepo kwa tatizo hilo katika kijiji chake na kusema kuwa wapo baadhi ya viongozi waliokwisha fika na kuwaahidi wananchi kuwatekelezea suala hilo lakini mafakinio yoyote yaliyofanyika mpaka sasa na kuiomba Serikali kuwasaidia katika kutatua adha hiyo.

Kwa upande wake Mbunge wa Vwawa Japhet Hasunga amesema kuwa suala hilo ni sugu lakini amewahidi wananchi wa kijiji hicho kufatilia suala hilo kwani nguzo pekee ya mwanandamu ni Afya na kuongeza kuwa Zahanati bila Wahudumu haiwezi kufanya kazi.