MKUU WA MKOA WA RUKWA KAMISHNA MSTAAFU ZELOTE STEPHEN AMEKAMATA NA KUZUIA UUZWAJI WA TANI 2,143 ZA MADINI AINA YA “CLINKER”

 

RUKWA

KATIKA kasi ya kuhakikisha madini ya watanzania yanawafaidisha watanzania, Mkuu wa Mkoa wa Rukwa Kamishna Mstaafu Zelote Stephen amekamata na kuzuia uuzwaji wa tani 2,143 za madini aina ya “Clinker” yanayotumika katika kuzalishia saruji kutokana na wingu la ubabaishaji uliogubika usafirishaji wa madini hayo kwenda nje ya nchi hadi hapo atakapojiridhisha na utaratibu wa uuzwaji huo.

Sakata hilo   limeibuka  baada ya  mkuu  wa  mkoa  huo  kufanya ziara ya kushtukiza katika bandari ya Kasanga Iliyopo Wilayani Kalambo mpakani  na nchi ya Kidemokrasia ya Kongo kwa kupitia Ziwa Tanganyika.

Kupitia   ziara    hiyo  mkuu  wa  mkoa   huo   zelote  Stephen  ameshangazwa  na  utaratibu   wa  kuuza  udongo  nje   ya  nchi  kwa   bei  kubwa na  wakati  sement  inayo zalishwa   kupitia   udongo   huo  inauzwa  kwa  bei  ya   chini.

 Usafirishaji wa madini hayo umekuwa ukifanywa na kampuni ya Mbeya Cement ya jijini Mbeya tangu mwezi  Aprili 2017 kuiuzia kampuni ya Burundi Cement ya jijini Bujumbura, ambapo mpaka mkuu   wa mkoa  huyo anazuia uuzwaji huo, tayari walikuwa wameshauza tani 4,760 huku tani moja ikiuzwa kwa dola za kimarekani 128.

Wakati Mh. Zelote akiendelea na ukaguzi  katika bandari hiyo aligundua kuwa kampuni hiyo ya Mbeya Cement ina mzigo wa tani 2050 za mifuko ya saruji iliyopo bandarini hapo tangu mwezi November mwaka 2016 na alipoulizwa mwakilishi wa Kampuni hiyo ya Mbeya Sabas Sokoni amesema kuwa Saruji hiyo imekosa wateja.

 Wakati Mh. Zelote akitoa zuio hilo tayari tani 800 zilikuwa zimo kwenye meli ya MV Tora yenye namba za usajili BY 0064 huku ikiwa na bendera ya Burundi.

Kwa upande wake afisa wa bandari hiyo Suleiman Kalugendo hakuona tatizo mbali na vibali vya usafirishaji wa madini hayo kuwa na mashaka.