WANANCHI WAMTAKA MBUNGE MULUGO, ATIMIZE AHADI YA SOKO ALIYOITOA WAKATI AKIOMBA KURA, MWAKA 2015.

 

MOMBA-SONGWE

WANANCHI wa kata ya Ifwenkenya wilayani Momba mkoani Songwe,wamemuomba mkuu wa wilaya hiyo,Samweli Jaremiah kumkumbusha Mbunge wa jimbo hilo,Philipo Mulugo,(CCM) kutimiza ahadi ya ujenzi wa soko katika kata hiyo,aliyoitoa wakati akiomba kura ya ubunge mwaka 2015.

Kata ya Ifwenkenya maarufu kwa shughuri za uchimbaji wa madini ya dhahabu pamoja na kilimo na mifugo huku idadi ya watu na shughuri za kijamii ikiongezeka siku hadi siku lakini ukosefu wa soko limekuwa likiathiri shguri za kiuchumi kwa wananchi wa eneo hilo.

Idaya Makweta mfanyabiashara na mkazi wa Ifwenkenya, alisema mwaka 2015 Mbunge Mulugo alifanya mkutano wa hadhara na wananchi,ambao walieleza changamoto ya ukosefu wa soko ambapo wajasiliamali wamekuwa wakitandika bidhaa chini kwa kutandika makaratasi ambapo mbunge huyo,aliahidikujenga.

Alisema Mbunge huyo aliahidi kujenga soko hilo kwa gharama zake ili wananchi wa vijiji vilivyopo kwenye kata hiyo,vipate sehemu sahihi ya kufanyia biashara zao kuliko ilivyo hivi sasa ambapo wanatandika magunia chini na kupanga bidhaa zao ambazo zinaelemewa na vumbi hasa kipindi hiki cha masika.

Akipokea maombi hayo ya wananchi kupitia mkytano huo wa hadhara,mkuu wa wilaya hiyo, Samwel Jeremiah alisema atamfikishia mbunge Mulugo kama walivyoeleza wananchi hao ambao wanahitaji kujengewa soko la kiwango cha kati.

Akizungumza kwa njia ya simu,Mbunge Mulugo,ni kweli aliahidi kujenga soko hilo,wakati akiomba kura na kusema kazi ya ubunge ni miaka 5 bado anamuda wa miaka 3 kufikia hiyo mitano, katika kipindi chake cha miaka 2 amejenga masoko 10 katika kata kumi.

Alisema aliposhinda tu ubunge alianza ujenzi wa soko katika kata ya Magamba,Mbuyuni,Namkukwe na Gua na kata zingine ambazo idadi yake zipo kumi tayari ujenzi umekamilika na wajasiliamali wameanza kuuzia bidhaa zao katika masoko hayo na kuwataka wakazi wa Ifwenjenya wawe watullivu soko litajengwa.