WAZIRI WA MALIASILI NA UTALII PROF,JUMANNE MAGHEMBE AMEWATAKA WANANCHI KUACHANA NA MAWAZO KUWA IPO SIKU SERIKALI ITAKATA ENEO LA HIFADHI NA KUWAPATIA WANANCHI

 NKASI-RUKWA

.Hayo ameyasema jana  alipozungumza na Wananchi wa vijiji vya lyazumbi na Kizi wilayani Nkasi mkoani Rukwa baada ya Wananchi wa maeneo hayo kumuomba waziri awamegee sehemu ya ardhi iliyopo katika hifadhi ya Lwafi kwa ajiri ya kuendeshea shughuli mbalimbali za kiuchumi..

Alisema Tanzania bado ina sehemu kubwa ya watu kuendelea kufanyia shughuli zao bali kilichokosekana ni kutokuwepo kwa mpango wa matumizi bora ya ardhi.

kauli hiyo aliitoa baada ya mmoja wa wananchi katika kijichi cha Lyazumbi Hamisi Kiswaga kumuomba Waziri awamegee sehemu ya ardhi iliyopo ndani ya hifadhi akipatie kijiji hicho kwa lengo la kupanua kijiji na kupata eneo kubwa la ardhi kwa ajiri ya kufanyia shghuli zao za kiuchumi

Sambamba na hilo Waziri Maghembe ameiagiza serikali wilayani Nkasi kuhakikisha kuwa wanatengeneza kisima cha maji haraka  katika kijiji cha Lyazumbi ili wakazi wa kijiji hicho waweze kupata maji ya kutosha ili waache kuingia ndani ya hifadhi kutafuta maji kama ilivyo sasa kitu ambacho ni hatari sana.

alisema kuwa hivi sasa wakazi wa kijiji hicho wanategemea maji kutoka ndani ya hifadhi baada ya bomba lao kuharibika na kuwa kitu hicho hakikubaliki bali serikali sasa ya wilaya itengeneze haraka bomba la kisima katika kijiji hicho ili watu wasiingie tena ndani ya hifadhi kusaka maji.

"Ni kosa kubwa watu kutegemea huduma ndani ya hifadhi maana wanaweza kukumbana na majanga mbalimbali ndani ya hifadhi na sheria hairuhusu jambo hilo hivyo wilaya tengenezeni kisima hicho haraka ili kusiwepo mwingiliano kati ya hifadhi na mahitaji ya watu"alisema Maghembe

Awali mkuu wa wilaya alimuomba waziri Maghembe asiwaamishe wakazi wa kijiji cha Kizi kwa kuwandoa chini ya sheria ya mita 500 kutoka hifadhini na kuiomba serikali iutambue mpaka kati ya hifadhi na kijiji iwe ni barabara ya lami kitu ambachoi waziri amekikubali