WAPANDISHWA KIZIMBANI MAHAKAMA YA ILEJE BAADA YA KUMSHAWISHI MTOTO ASIENDELEE NA MASOMO

Joyance Kibona(59)na Eras minga(33) Wote wakazi wa kijiji cha Ilondo wilayani ileje mkoani Songwe wamepandishwa kizimbani katika mahakama ya wilaya ya ileje mkoani hapa kujibu shitaka la kula njama kumshawishi mwanafunzi kuto endelea na masomo kinyume na kifungu cha sheria namba 149 sura ya 16 kanuni ya adhabu .

Akisoma maelezo ya awali mwendesha mashitaka wa polisi mahakamani hapo Charles Paulo amesema washitakiwa wote kwa pamoja ambao ni wanandoa  walitenda kosa hilo Agost 25 mwaka huu walimshawishi mtoto wao ktoendelea na masomo wakijuwa ni kinyume na taratibu za nchi.

Paulo amesema mwanafunzi huyo alikuwa mwanafunzi wa darasa la saba katika shule ya msingi Namasele kata ya Malangali wilayani hapa na alitarajia kufanya mtihani wa kuhitimu darasa la saba katika mtihani uliofanyika mwaka huu.  

washitakiwa hao wamekana kutenda kosa linalo wakabili na hakimu anayesikiliza kesi hiyo mahakamani hapo Charles Christopher Makwaya ameahirisha kesi hilo mpaka itakapotajwa tena desember 9 mwaka huu kwajiri ya kusikiliza utetezi upande wa mashitaka.