WAKULIMA WILAYANI MBOZI MKOANI SONGWE WAMEULALAMIKIA UONGOZI WA KIKUNDI HICHO KWA KUSHINDWA KUWALIPA FEDHA ZAO

Mbozi

Wanachama wa kikundi cha wakulima cha muungano wa hatelele mpito coffee group wameulalamikia uongozi wa kikundi hicho kwa kushindwa kuwalipa fedha za mauzo ya kahawa kwa kipindi cha mwaka 2016/2017.

Wakizungumza na kituo hiki wakulima hao wamesema kuwa mpaka sasa hawajalipwa fedha zao zaidi ya milioni 30 kitendo wanachotafsiri kama utapeli huku wakidai kuwa kikundi hicho hakina account kinatumia ya mtu binafsi.

John Teddy amesema kuwa pale wanapoudai uongozi wao wamekuwa wanadai kuwa hawana fedha bali fedha zao zipo kwa watu waliokopeshwa huku kikundi hicho kikiendeshwa kwa nguvu ya kiongozi mmoja kama kampuni lakini si kwa nguvu za wanachama wote.

Naye Rashid Msongole amesema kuwa hakuna muhtasari ambao ulipitishwa na kikundi kizima kuruhusu ukopeshaji huo wa fedha za kikundi huku kukiwa na mkanganyiko wa ulipaji wa fedha hizo hali inayosababisha kushindwa kukamilisha hata ulipaji wa ada kwa watoto wao na kuboresha mashamba yao kwa ajili ya kupata mavuno bora ya zao hilo huku wengine wakilipwa chini ya kiwango.

Kwa Upande Wake Edward Ngwale amesema kuwa kumekuwa hakuna uwazi wa uwepo wa account ya kikundi hicho kwa kuanisha mwenendo mzima wa mapato ya fedha inayoingia na inayotoka huku jukumu hilo likibaki kwa katibu pekee.

Akizungumzia kuhusu suala hilo katibu wa kikundi hicho adam kalonge amesema kuwa waliokopa fedha ni mwenyekiti na kamati yake na si katibu kwani yeye hajakopa na tuhuma zote zinaelekezwa kwake kimakosa huku akikanusha kikundi hicho kutumia akaunti ya mtu binafsi  kuwa ni jambo lisilowezakana na kuwataka wafuate kanuni walizowekeana.