MSAADA WA VITABU VYENYE THAMANI YA SHILINGI MILI 12 VIMETOLEWA KATIKA SHULE ZA MSINGI 12 MKOANI SONGWE NA SHIRIKA LA SAVE THE CHILDREN

 SHIRIKA lisilokuwa la kiserikali Save the children la mkoani Songwe limetoa msaada wa vitabu vya thamani ya Tsh,Milioni 12 katika shule 13 za msingi wilayani Mbozi mkoani hapa,lengo likiwa ni kuunga mkono jitihada za serikali kuinua ufauru kwa wanafunzi.

Miungoni mwa vitabu vilivyotolewa na shirika hilo kwa darasa la 4,5,6 na 7  ni, English, Kiswahili, Sayansi,Stadi za kazi na Hisabati ambavyo vitagawiwa kwa kila darasa vitabu zaidi ya 100,ambavyo vitasaidia wanafunzi kuongeza juhudi za kujisomea.

Akizungumza siku za hivi karibuni baada ya kupokea msaada huo,kwaniaba ya walimu wenzake, Mwl, Bertha Kamendu,alisema anaupongeza uongozi wa Shirika hilo kwa kuona umuhimu wa elimu na kwamba vitabu hivyo vitasaidia walimu kufundisha kiurahisi kwa kuwa kila mwanafunzi atakuwa na kitabu .

Alisema shirika hilo linapaswa kupongezwa kwakuwa limekuwa mstari wa mbele kusaidia watoto hasa wanafunzi wa shule zote mkoani hapa na kwamba aliuomba uongozi huo kuendelea kusadia pale misaada mashuleni itakapohitajika kwa kuwa bado wanakabiliwa na changamoto nyingi.

Akizungumzia sababu ya kutoa msaada wa vitabu Meneja wa Shirika hilo,Elamu Kayange,alisema baada ya kuona mwaka 2016/17 mkoa wa Songwe kushika mkia kwa ufauru katika mikoa yote nchini,aliona aungane na serikali mkoani hapa kuhakikisha Songwe inashika nafasi za juu ndiyo maana wametoa vitabu.

Alisema suala la ukosefu wa vitabu katika shule mbalimbali mkoani hapa limekuwa likishika kasi kwa kuliona hilo,wameanza kugawa vitabu sambamba na misaada mingine ili wanafunzi wapate kufauru na kujiunga na kidato cha kwanza na hata cha tano na sita ili waweze kuelekea vyuo vikuu.

Aliongeza kuwa bado shirika hilo litaendelea kusaidi wanafunzi pindi watakapohitajika kwa kuwa bado changamoto mashuleni zimekuwa nyingi,na kwamba kutokana na umuhimu wa elimu watafanya hivyo na kuwataka viongozi ngazi ya vijiji,kata ,wilaya na mkoa kuunga mkono jitihada hizo.

Akizungumza kwaniaba ya mkuu wa mkoa wa Songwe Chiku Galawa,mkuu wa wilaya ya Mbozi John Palingo,alisema licha ya kupongeza jitihada za shirika hilo,alisema anauhakika elimu Mbozi na mkoa kwa ujumla itapanda kutokana na kila mwanafunzi atakuwa na kitabu kitakachomsaidia kujisomea.

Alisema ni aibu kwa mkoa wa Songwe kushika nafasi ya mwisho kwa ufauru katika mikoa yote nchini,hivyo upatikanaji wa vitabu utarahisisha mwalimu kufundisha kwa ufasaha na kusitokee tena visingizio pindi watoto watakapofeli mitihani ijayo.