WAASWA KUACHA KUENEZA PROPAGANDA MBAYA KUHUSU MAFUNZO YA JESHI LA AKIBA YANAYOENDESHWA SEHEMU MBALI MBALI

 MBOZI -SONGWE

Wanasiasa nchini wametakiwa kuacha kueneza propaganda mbaya kuhusu mafunzo ya jeshi la akiba la mgambo yanayoendeshwa sehemu mbalimbali nchini.

Kauli hiyo imetolewa na mkuu wa wilaya ya Mbozi John Ernest Palingo wakati akifunga mafunzo ya jeshi la akiba la magambo katika kijiji cha Mbozi wilayani hapa kuwa mafunzo hayo yanatambulika kisheria na yapo kikanuni hivyo wanasiasa waache kupotosha kuwa yapo kisiasa.

Aidha palingo amewataka viongozi wa ngazi zote kuwatumia vijana hao katika shughuli mbalimbali za kijamii ikiwemo kupambana na rushwa,kuokoa wananchi wakati wa majanga mbalimbali na katika shughuli za ujenzi ili wasishawishike kufanya vitendo viovu.

Mhitimu wa mafunzo hayo Hamduni Nzowa amesema kuwa mafunzo hayo yamewajenga na kuwa wakakamavu na kuahidi kutumia mafunzo hayo kuisaidia jamii kwani kwa kipindi cha mafunzo hayo wamesaidia kuchimba choo katika shule ya msingi Mbozi na kusaidia kufanya usafi katika maeneo mbalimbali.

Katibu tarafa tarafa ya igamba Kingdom Braydon Mwambalaswa na mwenyekiti wa kijiji chaq mbozi FREDRICK SHIUGA wamesema kuwa wataitumia nguvu kazi hiyo katika kazi za kimaendeleo na kuzuuia uhalifu katika jamii yao ili kuimarisha ulinzi na usalama.

Kwa upande wake mshauri wa mgambo wilaya ya Mbozi JOHN GOLIAMA amesema amesema kuwa jamii itambue kuwa hakuna upendeleo ambao unafanyika kwa ajili ya nafasi za kujiunga na jeshi la wanachi bali kuna vigezo vinavyotazamwa ikiwemo kigezo cha umri.