VIJIJI VYA CHITETE NA TINDINGOMA WILAYANI MOMBA MKOANI SONGWE WATANUFAIKA NA MAJI MWAKA HUU 2018 BAADA YA KUPATA SHIDA YA MAJI MUDA MREFU

MOMBA

Zaidi ya wananchi elfu kumi wa vijiji vya chitete na tindingoma wilaya ya momba mkoani songwe watanufaika na miradi ya maji iliyojengwa katika maeneo hayo ambapo kuanzia wiki ijayo maji hayo yatasambazwa na kuanza kutumiwa na wananchi hao.

Miradi hiyo ya maji ni moja kati ya miradi inayoendelea kujengwa katika wilaya hiyo ambapo imegharimu kiasi cha shilingi mil 900 huku uchimbaji wa visima nane vya maji katika maeneo mbali mbali wilayani hapo ukiendelea ambapo kati ya hivyo vitatu vimechimbwa .

Hayo yamesemwa na mkurugenzi wa halimashauri ya wilaya ya momba mkoani hapa Adriani Njungu wakati wa ziara ya naibu waziri wa maji jumaa aweso ambapo waziri huyo ametembelea miradi hiyo ikiwa ni pamoja na mradi mkubwa unaotazamiwa kujengwa ujuliakanao kama Momba Water Siprese Skim ambao utahudumia wakazi elf 66 katika wilaya hiyo.

Kwa upande wake mwenyekiti wa halimashauri ya wilaya wilaya hiyo methew chikoti ameshukuru ujio wa naibu waziri wa maji ambapo amesema matatizo waliyokuwa wakikabiliana nayo yatakwisha kwa kukosa mwakilishi ambapo ametumia nafasi hiyo kumuomba naibu waziri kuwapatia vitendea kazi ikiwa ni pamoja na magari kwani yaliyopo ni mabovu.

Naye mkuu wa wilaya ya momba Juma Saidi Irando licha ya kukiri uhitaji mkubwa wa maji katika wilaya yake amesema kukamilika kwa mradi huo mkubwa kutasaidia kwa kiasi kikubwa upatikanaji wa maji ambapo ametoa rai kwa mkandarasi atakayeanza kufanya shughuli hiyo, kufanya kwa mujibu wa sheria kwani itakapobainika mradi huo umejengwa chini ya kiwango atachukuliwa hatua kali za kisheria.

Naibu waziri wa maji jumaa aweso ameridhika na uendeshaji wa miradi hiyo ikiwa ni pamoja na huo mradi mkubwa ambapo amemuagiza mkandarasi anayehusika kumaliza zoezi hilo mapema kwani tayari fedha zote zimetolewa huku akiwasihi wananchi kuilinda na kuitunza miundombinu hiyo ya maji ili waendelee kunufaika zaidi na uwepo wa maji.