WAOMBA KUBOROSHEWA HUDUMA ZA AFYA WILAYA KYELA MKOANI MBEYA

 MBEYA

WADAU  wa afya wilayani Kyela mkoani mkoani Mbeya wamempa changamoto mwenyekiti wa Chama Cha Mapinduzi wilayani humo,Ally Mlaghila kuhakikisha anaondoa matatizo ya ubovu wa huduma za matibabu na ukosefu wa vifaa tiba katika hospitali ya wilaya hiyo.

Hospitali ya wilaya ya Kyela ni moja ya hospitali za wilaya mkoani Mbeya ambayo licha ya ukongwe wake imekuwa ikilalamikiwa na baadhi ya watu kuwa haina huduma bora hali inayopelekea baadhi ya watu kukimbilia kwenye hospitali za wilaya ya Rungwe yaani makandana na Igongwe kutibiwa.

Kufuatia hali hiyo wadau  mbalimbali walikutana na kujadili masuala mbalimbali yanayohusu wilaya hiyo ikiwemo changamoto ya huduma za afya kwenye hospitali ya wilaya baada ya uongozi mpya wa ccm kuzidi kuwashirikisha wadau kupitia vikao kujua changamoto zilizopo na namna ya kuzitatua.

Sala Kisole mkazi wa Kyela,kupitia kikao hicho,alisema kwa muda mrefu kumekuwepo na malalamiko ya huduma mbovu ambapo watu wamekuwa wakikimbilia hospitali za mbali na kuwa anapata wasiwasi kuwa hospitali ya Rungwe na Kyela zote zinahadhi moja,kitendo cha kukimbilia Rungwe ni aibu.

Abiniuty Mwakilewa,alisema endapo wanaKyela wataungana pamoja na kuwa kitu kimoja wakijadili namna ya kuleta maendeleo na kuondoa changamoto zilizopo anauhakika hakuta kuwa na malalamiko na kwamba na kuwa kitendo cha watu kukimbilia Rungwe kupata tiba ni tatizo kubwa.

Akizungumzia hali hiyo,Mwenyekiti wa ccm wilayani humo,Ally Mlaghila ,alisema anafahamu kuhusu changamoto hizo na kuwa aligombea nafasi hiyo ili aweze kuisimamia serikali kutimiza ilani kwa sababu ilani ya ccm inataka kila kijiji kiwe na Zahanati,kata kituo cha afya na wilaya hospitali.

Alisema kwa sasa bado vijiji vingi havina zahanati,kata nyingi hazina vituo vya afya hivyo atahakikisha anawashirikisha wadau kuhakikisha mambo yote yaliyomo kwenye ilani yanatekelezwa ikiwemo kufanya maboresho katika hospitali ya wilaya.

Mwenyekiti wa halmashauri hiyo,Dkt,Hunter mwakifuna simu juu ya kutatua changamoto hizo,alisema tayari wameboresha mambo kadhaa na hata hivyo alisema serikali kwa kuona umuhimu nwa afya wamewapa milioni 500 kujenga majengo mapya kwenye kituo cha afya Ipinda.