WANANCHI WA KIJIJI CHA ILAMBILA WAGOMA KUFANYA SHUGHURI ZA MAENDELEO WILAYANI KALAMBO MKOA WA RUKWA

 

KALAMBO-RUKWA

Wananchi    Wa   kijiji  cha    Ilambila    Kata  ya   Sundu  wilaya  ya    Kalambo  Mkoani    Rukwa  wamegoma  kujihusisha  na  shughuli  za  maendeleo  ikiwemo  kuchangia  fedha  za  kuendeshea  mradi  wa  maji   kwa  madai  ya  kuwa  na  ukosefu  wa  uongozi  wa  kijiji kwa   zaidi  ya  mwaka  mmoja.

  

Wakiongea    wakati   mkutano  wa  hadhara   uliofanyika  kijijini  hapo,   wamesema     chanzo  ni  ukosefu  wa   uongozi  kutia  ndani  mwenyekiti  wa  kijiji  na  mtendaji  na  kuiomba  serikali  kuingilia  kati  swala  hilo  ikiwemo  kufanya   uchaguzi   mpya.

Hali  hiyo  imefanya   mbunge  wa    viti maalumu mkoani   Rukwa   Aida  Kenani  kuingilia    kati  mgogoro  huo  na  kumtaka  mtendaji  wa  kata  hiyo   Julis   Tete  kufanya  uchaguzi   mapema    ili kufanya   shughuri   za maendeleo  kuendelea    kufanyika  kama  ilivyokuwa  awali.

Aidha   kenani  amewataka  wananchi  kuacha  tabia   ya   kuingiza   itikadi  za  vyama  kwenye  swala  la  maendeleo  na  kusema  maendeleo   yanaletwa  na wanannchi mwenyewe.