SHULE YA MSINGI MANGA MKOANI SONGWE INA UPUNGUFU MKUBWA WA MADARASA.

TUNDUMA-SONGWE

SHULE ya msingi Manga iliyopo halmashauri ya mji wa Tunduma mkoani Songwe,inakabiliwa na changamoto nyingi ikiwemo uhaba wa vyumba vya madarasa huku ikiwa na idadi ya wanafunzi zaidi ya 3,000 ambapo vyumba 70 vinahitajika kulingana na uwingi wa wanafunzi ambapo vyumba vilivyopo ni 8 pekee.

Shule ya msingi Manka,ni mpya imejengwa ili kupunguza msongamano wa wanafunzikatika shule ya msingi Tunduma,lakini hali ya shule hiyo ni mbaya kutokana na kuwepo kwa wanafunzi 3139 wanaotumia vyumba vya madarasa 8 kati ya 70 vinavyohitajika.

Baraka Osiah ni mwanafunzi shuleni hapo,alisema katika dawati moja wanalazimika kukaa wanne hadi watano kutokana na uwingi wao huku miundombinu ya shule hiyo ikiwemo ukosefu wa sakafu ikiwa ni moja ya kikwazo cha wao kusoma kwa manufaa.

Yassin Mussa mkuu wa shule hiyo,amekiri wazi kuwepo kwa changamoto hizo na kusema kuwa idadi ya wanafunzi hao 3139 nikubwa ukilinganisha na vyumba 8 vya madarasa vilivyopo huku kukiwa na mahitaji makubwa ya walimu na kwamba ili kuondokana na hali hiyo,wanaomba serikali na wadau kuisaidia shule hiyo,

Kufuatia changamoto hiyo,meneja wa Benk ya Posta Tanzania Regina Semakafu alimkabidhi mkuu wa wilaya ya Momba mifuko 100 ya saruji yenye thamani ya shilingi Milioni 1.5,kwa ajili ya kusaidia ujenzi wa vyumba vya madarasa,na kuahidi kuendelea kuchangia pale itakapo hitajika.

Akipokea msaada huo,mkuu wa wilaya hiyo,Juma Irando licha ya kuipongeza Benki kuwapatia saruji,alisema itatumika kwa ajiri ya ujenzi wa vyumba vya madarasa katika shule mbalimbali zenye uhitaji ikiwemo shule hiyo ya Manga yenye upungufu mkubwa.

Alisema kutokana na changamoto zilizopo za uhaba wa vyumba vya madarasa alitumia nafasi hiyo,kuwaomba wadau wengine kusaidia kuondoa changamoto hiyo kwa kuwa elimum ndiyo msingi thabiti wa maengeleo kwa mustakabari wa maisha ya sasa.