MKOA WA SONGWE WASHIKA NAFASI YA PILI KUTOKA MWISHO KWA UCHAFUZI WA MAZINGIRA

 

MBOZI-SONGWE

IMEELEZWA kuwa Mkoa wa Songwe umeshika nafasi ya pili kutoka mwisho katika mikoa yote nchini kwa uchafuzi wa mazingira huku mkoa wa Mara ukishika nafasi ya mwisho,hali iliyozua taharuki kwa mkuu wa mkoa huo mbaye amepanga mikakati ili kuondokana na kushika nafasi hiyo ya mwisho.

Kauli hiyo imetolewa leo (jana) na mkuu wa mkoa wa Songwe Chiku Galawa,kwenye kikao cha pomoja na viongozi wa serikali kutoka wilaya zote za mkoa huo huku akieleza kusikitishwa kwake mkoa huo kushika nafasi ya pili kutoka mwisho.

''Nasikitika sana kuona takwimu imetolewa kuwa Songwe ni ya pili kutoka mwisho,kwa usafi wa mazingira,kwa hali hiyo nataka maafisa wa afya kuhakikisha wanasimamia hali ya usafi wa mazingira ili kuondokana na hali ya kushika nafasi hiyo.

George Mgalla Afya mkoani Songwe,alisema kila halmashauri ilipata Milioni 15 kwa ajili ya utekelezaji wa shughuri za usafi wa mazingira Ambapo mkoani yaani Songwe ilipewa Milioni 10 ambapo utekelezwaji umefanyika licha ya kuwepo kwa changamoto za hapa na pale.

Alisema changamoto inayowakumba ili kushindwa kufikia lengo hilo, ni upungufu wa watumishi wa idara ya afya,ufinyu wa bajeti,maafisa afya kutosimamia sheria zilizopo za mazingira,kutofanyika kwa ukaguzi wa wa mara kwa mara wa mazingira kwenye kaya na kwamba ili kufanikisha hilo,changamoto hizo zitatuliwe.

Kufuatia hali hivyo, Galawa alitoa agizo kwa maafisa wa idara ya afya kuhakikisha wanafanya ziara maeneo yote na kuhakikisha inawachukulia hatua wananchi ambao watashindwa kujenga vyoo bora ikiwemo kuwapeleka mahakamani.

Alisema halmashauri zote zihakikishe zinatumia sheria zilizopo na kutunga sheria ndogo ndogo za kuwabana wananchi wanaokaidi agizo la serikali la utunzaji wa mazingira ikiwemo kuhakikisha kila kaya inakuwa na choo bora kuliko ilivyo hivi sasa ambapo taka zinazagaa ovyo,baadhi ya shule hazina vyoo hii haikubariki.

Hata hivyo Galawa alitoa siku 30 kwa wakurugenzi wa halmashauri na wakuu wa wilaya zote kuhakikisha zinaondoa tatizo la ukosefu wa vyoo kwenye kaya na uchafuzi wa mazingira na kuhakikisha wanaweka utaratibu wa kuyakagua magari yote yatakayokosa chombo cha kutunzia taka.