KAMATI YA UCHAGUZI YA TFF KUKUTANA LEO

Kamati ya rufaa ya uchaguzi ya TFF leo inatarajia kukutana kwa ajili ya kupitia rufaa za wadau wa soka walioenguliwa kwenye mchakato wa uchaguzi wa shirikisho hilo ambao utahitimishwa August 12 kwa wajumbe wa mkutano mkuu kupiga kura.

Afisa habari wa TFF Alfred Lucas amesema mpaka sasa wadau watatu ndio waliowasilisha rufaa zao ambazo zinapinga maamuzi yaliyochukuliwa na kamati ya uchaguzi inayoongozwa na wakili Msomi Levocutus Kuuli.

Katika hatua nyingine Alfred Lucas amesema mpaka leo mchana kamati ya uchaguzi ya TFF ilikua bado haijapokea taarifa zozote za kimaandishi kutoka kwa mdau wa soka Shafii Dauda ambaye mapema hii leo alitangaza kujiengua kuwani nafasi ya ujumbe wa kamati ya utendaji ya shirikisho la soka nchini kupitia kanda ya Dar es salaam.

  

Hata hivyo Shafii Dauda amefikia hatua ya kutangaza kujiengua kuwani nafasi hgiyo kufuatia sakata la kudaiwa kujihusisha na utoaji wa rushwa mwanzoni mwa juma hili na kupelekea kuhojiwa na taasisi ya kuzuia na kupambana na rushwa tawi la mkoa wa Mwanza alipokua amekwenda kwa shughuli binafsi.

Wakati huhuo Shirikisho la soka nchini TFF limeendelea kuwasisitiza mabingwa wa soka Tanzania bara Young Africans kuhusu uhalali wa usajili wa aliyekua mlinda mlango wa timu ya taifa ya vijana chini ya umri wa miaka 17 (Serengeti Boys) wakati wa faianli za Afrika zilizofanyika nchini Gabon mwezi Mei Ramadhan Kabwili.

Afisa habari wa TFF Alfred Lucas amesema wanaendelea kutoa msisitiz huo kutokana na kutokua na uhakika wa usajili wa mlinda mlango huyo umengukia kwenye kikosi cha wakubwa ama vijana cha klabu hiyo, hivyo wanapaswa kuwa makini kutokana na umri wa mchezaji huyo kuwa chini ya miaka 18.

 Hata hivyo Alfred amesema wanaendelea kusubiri mkataba uliosainiwa na Ramadhan Kabwili kwa makubaliano na viongozi wa Young Africans ili kujiridhisha zaidi.