WAKUU WA IDARA KATIKA HALMASHAURI YA MJI WA TUNDUMA WILAYANI MOMBA MKOANI SONGWE WAMEONYWA KUACHA MARA MOJA TABIA YA KUKAIMISHA VYEO VYAO

Kuria :aliye shika mic mkuu wa wilaya ya momba juma said

Momba-Songwe

Hayo yamesemwa na mkuu wa wilaya ya momba Juma Saidi Irando katika kikao maalumu cha hoja za  CAG kilichofanyika katika ukumbi wa halmashauri ya mji wa tunduma ambapo amesema kuwa kuna baadhi ya watumishi wanakaimisha nafasi zao wakati wa ukaguzi wa hesabu za serikali na kuonya kuacha  tabia hiyo mara moja na atakaye kaidi agizo hilo atachukuliwa hatua kali za kisheria.

Aidha Irando ameongeza kuwa kuna hoja ambazo zinatakiwa mkuu wa idara azijibie na si kukaimisha vyeo halafu zinaanza kuibuka hoja kwa mkaguzi kitu ambacho hakitakiwi hivyo watumishi wote wafuate  taratibu na sheria.

Kwa upande wake katibu tawala mkoa wa songwe Eliya Ntandu amesema  kuwa watumishi wote wa serikali wanafanya kazi kwa mujibu wa sheria hivyo amewataka waache kufanya kazi kwa mazoea lakini pia waheshimu sheria zilizowekwa ili kupeleka maendeleo mbele ambapo amesema kuwa asingependa hoja zilizotolewa zijirudie tena.