MTU MMOJA JINSIA YA KIUME MKOANI SONGWE AMEKAMTWA NA NYARA ZA SERIKALI

Songwe

Jeshi la polisi mkoani hapa linamshikilia mtu mmoja jinsia ya kiume mwenye umri wa miaka 31 mkazi wa kijiji cha isangawana wilayani chunya mkoani mbeya kwa kosa la kukutwa na nyara za serikali.

Kamanda wa polisi mkoani songwe mathias nyange amesema tukio la kukamtwa kwa mtuhumiwa huyo limetokea tar 9 janu mwaka huu majira ya 10 jioni  katika msitu wa mbagala uliopo tarafa ya kwimba wilayani songwe baada ya askari waliokuwa katika msako maalumu kufanikiwa kumkamata.

Inadaiwa mtuhumiwa baada ya kukamatwa kwenye  begi alilokua amebeba ulikutwa mkia mmoja wa nyumbu na pua moja ya ngiri vyote vikiwa na thamani ya zaidi ya shilingi mil 2 kinyume na sheria.

Kamanda ameongeza mtuhumiwa huyo hutumia nyara hizo za serikali katika shughuli zake za uganga wa jadi ambapo hana kibali chochote cha kuendesha shughuli hizo.

Aidha kamanda nyange amewasihi wananchi mkoani hapa kuendelea kutoa taarifa za uhalifu na wahalifu kwa jeshi la polisi,  huku akiwaonya wale wanaoendelea kujihusisha na vitendo vya uhalifu ikiwa ni pamoja na kuua wanyama pori na kutumia viungo hivyo kipigia ramli kuacha mara moja.