ZAIDI YA NYUMBA70 ZABOMOLEWA NA KUHARIBIWA VIBAYA KATIKA KATA YA IVUNA WILAYA YA MOMBA

MOMBA

Zaidi ya nyumba 70 zimebomolewa na kuharibiwa vibaya katika vijiji vitatu vilivyopo kata ya ivuna wilaya ya momba mkoani hapa baada ya mvua kubwa kunyesha iliyokuwa imeambatana na upepo mkali.

Vijiji vilivyokumbwa na janga hilo ni kijiji cha itumbula kalungu iwatwe na samang’ombe ambapo wakaazi wa maeneo hayo wamesema wanahofia kuwepo kwa njaa kali kutokana na mvua hiyo licha ya kubomoa nyumba zao na nyingine kuezuliwa zimeharibu pia vyakula vya akiba kutokona na kuingia maji.

Aidha wameiomba serikali kuwachukulia hatua wale wote ambao wamekua wakivamia maeneo ya misitu kulima kwakua hatua hiyo inasababisha kuwepo kwa tatizo hilo kutokana kwamba uwepo wa miti unasaidia kuzuia upepo mkali ambao unaweza ukaleta maafa ikiwa ni pamoja na kuezua nyumba.

Kufuatia hatua hiyo mkurugenzi wa halimashauri ya wilaya ya momba adriani jungu alitembelea vijiji hivyo na kutoa pole kwa waathirika na kusema kama serikali watasaidia kuwapatia  chakula na kutoa wito kwa majirani wa waathirika kuweza kuwasitili kwa muda wakati serikali inaendelea na taratibu nyingine na kuwasaidia.

Aidha amesema wataimarisha huduma za afya kwani yanapotokea maafa kama hayo huwa kunakuwepo na magonjwa na milipuko na kutoa wito kwa wananchi hususani wakulima na wafugaji kuacha kuvamia maeneo ya misitu kwani ni moja kati ya sababu zinazopelekea maafa kama hayo na kuahidi kuwaondoa wote, lakini pia ametoa wito kwa wananchi kupanda miti badala ya kukata.