WATOA ELIMU KWA WATOTO WA SHULE ZA AWALI NAMNA YA KUVUSHANA BARABARANI

                                                                 Songwe

 

Shirika lisilo la kiserikali la Save the Children chini ya meneja wa mradi,Elimu Kayange,wameendesha mafunzo kwa wanafunzi wa shule 13 zilizopo mkoani songwe jinsi ya kuvushana  barabarani,kwani kutokana na umuhimu wa elimu kwa watoto wameamua kuendesha mafunzo ili kunusuru vifo vya watoto wasiokuwa na hatia.

Shirika hilo tayari limetoa mafunzo kwa shule zilizopo barabara kuu ya kutoka Tunduma kwenda Sumbawanga,Mbozi kwenda Ileja na Vwawa kwenda Mbeya na kwamba mkakati wa shirika ni kuzifikia shule 100 huku akipongeza ushirikiano mzuri wa walimu na wazazi wanaoupata.

Hatua hiyo imekuja baada ya kiripotiwa kwa matukio kadhaa ya baadhi ya wananfunzi wanaosoma katika shule zilizopo pembezoni mwa barabara mkoani Songwe kugongwa na vyombo vya moto akiwemo mwanafunzi wa darasa la awali Ratifa Masoud kugongwa na pikipiki wakati akivuka barabara..

Baadhi ya walimu ambao wamekuwa wahanga wa wanafunzi wao kupata ajali za kugongwa na vyombo vya moto Abron Popele na Meeda Mwakalinga wamesema ni zaidi ya miaka mitano wanafunzi wamekuwa wakipata majeraha kwa sababu ya kugongwa na vyombo vya moto hasa pikipiki,na kwamba wamepeleka taarifa hizo halmashauri ya wilaya ya Mbozi ili kudhibiti hilo ikiwa ni pamoja na kuweka matuta pamoja na alama za barabarani .

Kwa upande wake wakala wa barabara mkoani Songwe injinia Robat Nyengo akizungumza kwaniaba ya meneja wa mkoa,licha ya kukiri kuwepo na ajari hizo,amesema tayari wamepata mkandarasi ambapo ndani ya siku 14 atakamirisha uwekaji wa alama hizo.

Mkuu wa wilaya ya Mbozi John Palingo licha ya kulipongeza shirika hilo,amesema kwa kutoa mafunzo hayo,anauhakika wanafunzi watakuwa salama wakati wa kuvuka na kwamba kuhusu wanafunzi kugongwa atazungumza na meneja wa wakala wa barabara (Tanroad) mkoani Songwe,ili waweze kuweka alama za pundamilia na matuta maeneo yote hatarishi ili kuondoa hatari ya wanafunzi kugongwa.