MILIONI 15 ZA UJENZI WA BARABARA SONGWE ZAZUA UTATA,MRADI WATELEKEZWA WANANCHI WAPAGAWA.

 

MKWAJUNI-SONGWE

FEDHA milioni 15 zilizotolewa na serikali kwa ajili ya ujenzi wa awali wa barabara ya kiwango cha vumbi kilometa 10 katika barabara zilizopo kata ya Ifwenkenya halmashauri ya Mkwajuni wilayani Songwe mkoani Songwe zazua utata baada ya mradi wa ujenzi huo kutelekezwa muda mchache baada ya kuanza utekelezaji.

Hatua hiyo imejitokeza mwishoni mwa wiki kwenye mkutano wa hadhara wa viongozi wa halmashauri hiyo walipokuwa wakizungumza na wananchi wa vijiji vilivyopo kata ya Ifwenkenya,baada ya kuwepo kwa changamoto nyingi za kiutendaji ambapo wananchi walitoa ya moyoni ikiwemo kutelekezwa kwa mradi.

Jimmy Melimeli mkazi wa Ifwenkenya,alisema walitangaziwa kuwa fedha za awali milioni 15 za ujenzi wa barabara ya kiwango cha vumbi zimefika na ujenzi ulianza lakini haikumaliza hata wiki moja wakashangaa kuona mradi huo umetelekezwa pasipo kupewa taarifa yeyote kuhusu sababu ya kukwama kwake.

Vicent Mpanzo,afisa mtendaji wa kata hiyo,alisema baada ya kukwama mradi huo alifuatwa na baadhi ya wananchi wakihoji tatizo la kukwama amapo alisema hakuwa na majibu na baada ya hapo alipeleka tarifa halmashauri ya wilaya ambao wamekuja kuzungumzia suala hilo kupitia mkutano wa hadhara.

Akizungumza sababu ya kukwama kwa mradi huo,baada ya kutakiwa kufanya hivyo na mwenyekiti wa halmashauri ya wilaya hiyo,injinia wa ujenzi wilayani Songwe,Ernest Mgeni,alisema tatizo ni uhaba wa maji kutokana na eneo hilo kuwa na vumbi nyingi,na kwamba tatizo la kuharibika kwa barabara hizo ni magari makubwa ambayo tani zake haziruhusu kupita.

Alisema kwa sasa suala hilo lipo kwenye chombo kipya kulicho anzishwa na Rais Magufuli kiitwacho Talura kuwa ndicho kitakachosimamia ujenzi wa barabara zote za halmashauri ambapo fedha zote za ujenzi zitapelekwa huko,kauli ambayo ilipingwa vikali na wananchi katika mkutano huo.

Wananchi walihoji kuwa kama tatizo ni maji,kwanini wasijenge barabara hizo mwezi wa nne kipindi cha mvua ambapo maji yanakuwa mengi?na kwamba maeneo yote ya kata hiyo yamekuwa na vumbi nyingi hali inayosababisha kuwepo kwa magonjwa ya kuambukiza.

Hata hivyo,mwenyekiti wa halmashauri hiyo,Abraham Sambila aliingilia kati na kusema kuwa mkakati wa kujenga barabara za kata hizo ulikuwa kilometa 25 kwa kuanzia ujenzi ni kilometa 10,baada ya kukwama kwa mradi huo,ni kutokana na madai ya ukosefu wa maji kuitokana na kuwepo kwa vumbi nyingi.

Alisema hayo ndiyo majibu waliyopewa na wataalam katika vikao vyao na ndiyo maana katika mkutano huo wamewaleta mbele ya wananchi ili wajibu,na kwamba kwa sasa hawatashiriki tena ujenzi huo kutokana na kuhasisiwa chombo kipya Tarula,kitakacho simamia shughuri zote za barabara za halmashauri na kuwataka wananchi kuwa watulivu,wakati utekelezaji unaanza.