MWENYEKITI WA KIJIJI MBARONI AKITUHUMIWA KUWATOZA FAINI WASUKUMA PASIPO KUWAPA LISITI,FEDHA HIZO HUFANYIA UFUSKA NA WAKE ZA WATU.

 

MOMBA-SONGWE

MWENYEKITI wa kijiji cha Senga wilayani Momba mkoani Songwe,Ernes Malocha (CCM) amekamatwa na kutiwa mbaroni na jeshi la polisi tarafa ya Kamsamba,akituhumiwa kuwatoza fedha kandamizi wafugaji jamii ya wasukuma wa bonde la Kamsamba pasipo kuwapa lisiti,kasha fedha hizo kutumia kwa ufuska.

Hatua hiyo imekuja siku za hivi karibuni baada ya kuwepo kwa malalamiko miungoni mwa wafugaji kuwa mwenyekiti huyo amewageuza kuwa mradi wa kujipatia kipato kwa kuwatoza faini kubwa mara kwa mara pasipo kuwapa lisiti huku fedha hizo akizitumia kwa anasa za ulevi na kuwarubuni wake za watu.

Jofrey kalincho mfugaji,alisema juzi kijana wake alienda kunywesha maji eneo tengefu mto Momba,lakini alisikitishwa kusikia kijana wake alipigwa na kuumizwa vibaya na mwenyekiti huyo na alipofuatilia aliona ng’ombe zake zaidi ya 100 zimekamatwa zikidaiwa kuingia eneo lisilo rasmi kunywa maji.

Alisema alipo hoji zaidi aliambiwa na mwenyekiti huyo,akiwa na afisa mifugo wa bonde hilo,Titto Ndegela kuwa alipe faini ya milioni moja vinginevyo mifugo yake itapigwa mnada,ambapo alilaimika kujitetea na kulipa fedha pungufu ya milioni moja kasha kupewa mifugo yake.

Aliongeza kuwa ilipofika jioni alishangaa kuona mwenyekiti huyo akila starehe kwa kunywa pombe na nyama choma akiwa na wake za watu kwenye virabu tofauti tofauti,na kuanza kujiuliza ambapo alipata wazo kutoka kwa msamalia mmoja kuwa akadai lisiti na pia aende polisi kutoa taarifa.

Alisema alipofika polisi mwenyekiti huyo aliitwa polisi na ilipobainika kuwa mwandishi wa gazeti hili yupo kufuatilia tukio hilo,ndipo alipowekwa lumande kabla ya kuwekewa dhamana na baadhi ya viongozi wenzake na kutakiwa kughalamia matibabu ya kijana wake aliyepigwa na kulazwa hospitali ya Misheni.

Kaimu Mkurugenzi mtendaji wa halmashauri hiyo,Emelye Mfugale,alisema amepata taarifa kupitia kwa afisa tarafa wa bonde hilo,na kwamba kutokana na mwenyekiti huyo kutoza fedha nyingi pasipo kuwapa lisiti wafugaji hao,alisema hakunafedha iliyowahi kuletwa katika halmashauri ya Momba.

Methew Chikoti,alisema kutokana na kuwepo kwa vitendo hivyo,halmashauri italazimika kwenda kufanya mikutano ya hadhara kwenye maeneo hayo ili wafugaji wafundishwe sheria za malipo ikiwemo kuwafunda wenyeviti wanaotumia mwanya wa kuwatisha wafugaji ili wapate fedha ambazo hata hivyo haziingii kwenye kapu la halmashauri.

Mkuu wa wilaya Momba Juma Irando,alisema alikwisha wakataza wenyeviti wa vijiji kuhusika kwenye malipo ya aina yeyote,lakini kumekuwepo na hali ya dharau kwa baadhi ya wenyeviti na hata kufikia hatua ya kuwaingiza wafugaji kinyemela na kuchukua fedha zao bila kujali kuwa wanaharibu mazingira.

Alisema kwa sasa atageuka mboga kwa kuwashughurikia wenyeviti wanao kaidi maagizo ya serikali na hata kuwachukulia hatua wanaokusanya fedha kinyemela kwa wafugaji pasipo kuwapa lisiti huku wakijua kufanya hivyo ni kosa kisheria.