WILAYA NKASI MKOANI RUKWA IMEZINDUA RASMI MPANGO WA UPIGAJI CHAPA MIFUGO KATIKA KIJIJI CHA MKOLE

  

SONGWE-MOMBA

Akizingumza jana kwenye kikao maalumu kilichowajumuisha watendaji kadhaa wa serikali kuanzia ngazi za kata na wilaya afisa mifugo na uvuvi Reuben kapongo alisema zoezi hili siyo geni bali lipo katika sheria ya mifugo iliyotungwa mwaka 2010 juu ya upigaji chapa mifugo na kuhakikisha kuwa kila mmoja anatekeleza agizo hilo

Alisema kuwa kwa mujibu wa sheria hiyo watakaokaidi kuipiga chapa mifugo yao watakabiliwa na adhabu kali ya kifungo jela mwaka mmoja au kulipa faini ya Tshs,mil.2 na kuwa zoezi hili ni la muhimu sana kulingana na faida kubwa itokanayo na mifugo kupigwa chapa hiyo.

Kapongo alidai kuwa zoezi hilo litasaidia sana kuona kuwa mifugo inakaa katika eneo husika ikiwa ni pamoja na kujua idadi ya mifugo katika eneo husika ukilinganisha na ukubwa wa eneo la malisho kama linalingana na idadi ya mifugo iliyopo,sambamba na kudhibiti suala zima la uwizi wa mifugo.

Mkurugenzi mtendaji wa wilaya Julius Mseleche Kaondo kwa upande wake aliwataka watendaji wote watakaohusika katika zoezi hilo kuhakikisha kuwa wanazingatia kanuni na taratibu kwa kuona kuwa kila mmoja mifugo yake inapigwa chapa hiyo na kuwa sasa kila mmoja aende katika vijiji vyao na kuitisha mikutano ya vijiji na kuwaelimisha wananchi juu ya zoezi hili na umuhimu wake.

Wakuu wa idara mbalimbali za halmashauri ya wilaya Nkasi waliwataka watendaji wanaokwenda kutekeleza agizo hilo la kitaifa katika maeneo yao kuweka mbele uzalendo na weredi ili kuweza kufanikisha kazi hiyo kulingana na malengo ya serikali.

Walisema kuwa zoezi ili siyo jipya bali ni mwendelezo tu wa sheria iliyotungwa na serikali ya mifugo ya mwaka 2010 na kuwa serikali iliona kuwapo kwa faida kubwa ya kupigwa chapa mifugo na ili tuweze kuyafikia malengo hayo ni lazima kila mmoja akatimiza wajibu wake ipasavyo na mifugo yote ikapigwa chapa.