WANANCHI WA KIJIJI CHA IDIBILA KATA YA LUANDA MKOANI SONGWE WAMEZITAJA CHANGAMOTO WANAZOKABILIANA NAZO KIJIJINI HAPO

 MBOZI-SONGWE

Wakizungumza katika Mkutano wa hadhara uliofanywa jana kijijini hapo kwa lengo la kutoa kero zao mbele ya  Mbunge wa jimbo la Vwawa Japhet Hasanga wananchi hao wamesema tatizo la maji limekuwa sugu kwao jambo linalowafanya kunywa maji ambayo siyo safi kwa afya hivyo wamemwomba Mbunge huyo kuwasaidia katika suala hilo.

Kwa upande wa Wananchi wa kijiji hicho Boniface Kanyela pamoja na Mikaeli Daimuni wamekiri kuwepo kwa tatizo hilo na kuongeza kuwa changamoto nyingine wanayokabilianan nayo ni ukosefu wa Barabara jambo linalolazimu wananchi hao kushindwa kufanya Shughuli za Maendeleo kwani inawalazimu kutembea umbali mrefu kwa Miguu kufata mahitaji yao pamoja na kukosekana Kivuko toka Ng’ambo moja kwenda nyingine pamoja na kijiji hicho kuitwa kisiwa kutokana na ukavu uliopo katika maeneo hayo ya kata ya Luanda.

Naye Mbunge wa Vwawa Japhet Hasanga amesema kuwa amezipokea kero hizo za Wananchi hao na kuwaahidi kuwa jambo hilo litatekelezwa mapema iwezekanavyo.