MWANAMKE MMOJA MKAZI WA MWANSHINGA JIJINI MBEYA NA WANAWE WAWILI, WAMEMWAGIWA MAJI YANAYOSADIKIWA KUWA TINDIKALI

 MBEYA

Akizungumza jana akiwa amelazwa Hospitali ya Rufaa Kanda ya Mbeya, Sankemwa amesema tukio hilo limetokea saa 3:30 usiku wa Julai 19, eneo la Malema, Mwanjelwa wakati mwanamke huyo, Vumilia Sankemwa (31), akiwa njiani kurejea nyumbani.

Amewataja watoto aliokuwa nao kuwa ni Loveness Peter (11), ambaye ni mwanafunzi wa darasa la sita wa Shule ya Msingi Sinde ambaye amejeruhiwa usoni na mwilini na Nancy Peter (5 ambaye ametibiwa na kuruhusiwa kurudi nyumbani.).

Daktari wa zamu hospitalini hapo, Margaret Kimwaga amesema wamempokea mgonjwa huyo akiwa na hali mbaya, lakini sasa anaendelea vizuri.

Kaimu Kamanda wa Polisi Mkoa wa Mbeya, Emmanuel Lukula amesema ofisi yake ilikuwa haina taarifa ya tukio hilo hadi jana asubuhi na wameanza kulifanyia kazi.