MCHEZAJI WA ZAMANI WA TIMU YA TAIFA RENATUS NJOHORE ATOA WASIA KWA VIJANA

Mtanzania aliyefanikiwa kucheza soka nchini Uswiz Renatus Njohole ametoa ushauri kwa wachezaji wenye ndoto za kucheza soka nje ya nchi kwa kuwaambia wasikatishwe tama na mazingira watakayokwenda kukytana nayo.

Njohole ambaye aliitumikia timu ya taifa mara kadhaa wakati w autawala wa kocha kutoka nchini Brazil Marcio Maximo amesema soka la nje ya nchi limekua na changamoto kubwa sana kwa wachezjai kutoka barani Afrika, hususana katika nchi ambazo hazifahamiki kama Tanzania, hivyo kwa mchezaji yoyote kutoka hapa nchini kama atatimiza malengo hana budi kupambana na kukubaliana na changamoto ztakazo kutana nazo.

Hata hivyo Njohole ambaye aliwahi kuitumikia klabu ya Simba wakati akiwa hapa nchini amekiri kufurahishwa na mwenendo mzuri wa soka la Tanzania kwa kusema limeanza kuonyesha mabadiliko taratibu taratibu.

Hata hivyo Njohole amesema soka la barani Ulaya hususan katika nchi ya Uswiz ambapo ndipo makazi yake yalipo kwa sasa, kwa kusema limekua na nafasi kwa yoyote anaetaka kwenda huko kucheza, lakini cha kuzingatia zaidi ni suala la nidhamu ambayo imekua ikitazamwa kama silaha kubwa ya mafanikio duniani kote.