MAAMUZI YA CAF YAIUMIZA ZANZIBAR

Maamuzi ya shirikisho la soka barani Afrika CAF ya kuiondoa Zanzibar kwenye uanachama, yameendelea kuwa gumzo kisiwani Unguja huku kila mdau aliyezungumza na kipindi hiki akikiri kuhuzunishwa na kilichoamuliwa na shirtikisho hilo.

Mmoja wa wadau wa soka tuliozungumza nao ni aliyekua kocha wa timu ya taifa ya Zanzibar (Zanzibar Heroes) Salum Bausi ambapo amesema suala la CAF kuwaengua kwenye uanachama limemuhuzunisha kutokana na fursa waliokua wameipata ya kucheza michuano ya kimataifa kupitia klabu za soka visiwani humo kuondoshwa.

hivyo Bausi ametoa sababu ambazo anaamini huenda zikawa zimechangia Zanzibar kupokonywa uanachama wake ambao ulidumu kwa miezi minne tangu walipoupata mapema mwaka huu.

Sababu nyingine iliyotajwa na Bausi ambaye pia alijaribu kuwania nafasi ya urais wa chama cha soka visiwani Zanzibar miaka miwili iliyopita, ni maamuzi ya viongozi wa ZFA ambayo amekiri hayakuwa na busara dhidi ya wadau wa soka visiwani humo.

Baada ya kuzungumza mambo hayia mabayo anaamini yalikua kichocheo cha Zanzibar kupokonywa uanachama wake, Bausi akatoa ushauri kwa viongozi wa chama cha soka visiwani Zanzibar ZFA ili kulinusuru soka la visiwa hivyo vya Afrika mashariki.