KOCHA ZUBEIR KATWILA AMEONYESHA KULIDHISHWA NA MWENENDO WA TIMU YAKE

Kocha mkuu wa Mtibwa Sugar Zubeir Katwila ameonyesha kuridhishwa na mwenendo wa maandalizi ya kikosi chake ambacho kwa sasa kimeweka kambi jijini Dar es salaam kwa ajili ya kujiwinda na mshike mshike wa ligi kuu ambao utaanza rasmi August 26.

Katwila amesema tangu walipoanza maandalizi ya ufukweni na kufikia hatua ya kuchezo michezo ya kirafiki, ameanza kuona lengo alilolikusudia kwa ajili ya msimu ujao linaanza kutimia kwa asilimia kadhaa.

Kocha huyo ambaye alikabidhiwa majukuu ya kuwa mkuu wa benchi la ufundi mara baada ya kuondoka kwa Salum Shaban Mayanga aliyeteuliwa kuwa kocha mkuu wa timu ya taifa (Taifa Stars) pia amezungumzia usajili wa kiungo Hassan Dilunga aliyetokea kwa maafande wa JKT Ruvu ambao msimu ujao watashiriki ligi daraja la kwanza.

Wakati huo huo Katwila amesifia uwezo wa wacvhezaji chipukizi ambao amewapendekeza kuongezwa katika kikosi cha kwanza kwa ajili ya msimu ujao wa ligi na tayari ameanza kuwatumia kwenye michezo ya kirafiki kwa ajili ya kujiandaa na msimu mpya wa ligi kuu. 

Mlinda mlango Shaaban Kado amefichua siri ya kilichomrejeshwa Mtibwa Sugar katika kipindi hiki cha usajili, akitokea Mwadui FC ambao amewatumikia kwa misimu miwiwli iliyopita.\

KAdo ambaye alikua mtibwa Sugar kabla ya kutimkia kwa mabingwa wa Tanznaia bara young Africans na kisha mkoani Shinyanga yalipo makao makuu ya Mwadui FC, amesema jambo kubwa lililomrejesha kati kati ta mashamba ya miwa ni ukaribu uliopo kati yake na viongozi wa Mtibwa Sugar pamoja na mazingira ya ufanyaji kazi klabuni hapo.