ZOEZI LA UHAKIKI WA VIWANJA MBEYA YAINGIA DOSARI

 

Mkuu wa Mkoa wa Mbeya Bw.Amosi Makala

MBEYA

ZOEZI la uhakiki na utambuzi wa Viwanja vya wakazi wa Mtaaa wa Sisitila, kata ya Iyunga jijini Mbeya limeingia dosari baada ya kulalamikiwa na wananchi kuwa zoezi hilo linatekelezwa kinyume na Maagizo ya Serikali ya Mkoa.

Mwishoni mwa mwaka jana Mkuu wa Mkuu wa Mbeya Amos Makalla aliiagiza halamshauri ya jiji la Mbeya kutowaondoa wananchi ambao hawakulipwa fidia na ambao maeneo yao  hawakufanyiwa tathmini kuwaacha wabaki katika maeneo yao ya asili.

Hata hivyo Aliagiza kufanyika Mchakato wa haraka kwa ajili ya kuwalipa ongezeko la Mapunjo ya zaidi ya sh.milioni 800 watu ambao hawakulipwa fidia wakati wa mradi wa kuwahamisha kwa ajili ya kupima viwanja hivyo.

Wakizungumza na Diratz news kwa nyakati tofauti baadhi ya wakazi wa mtaa huo walisema wataalamu kwa kushirikiana na kamati ilyoundwa wananchi wamekuwa wakiwatoza baadhi ya wananchi kiasi cha sh.50,000, kwa ajili ya kupima maneo yao.

“Mkuu wa Mkoa alitoa Maagizo kwamba watupimie maeneo yetu ya asili tuendelee kibaki lakini tunachokiona  ni ujeuri kwani wanakuja kutambua maeneo yetu lakini wanatuzoza fedha, na kama huna fedha hawakuoneshi eneo lako au wanakwambia limekwishauza,” alisema Dicksoni John.

Karibu Asajile, alisema agizo la Mkuu wa mkoa kurudisha maeneo ya asili ya wakazi wa Mtaa wa Sisitila linawahusu wale ambao hawajalipwa fedha za fidia na halmashauri.

Alisema kinachowashangaza baadhi ya wananchi ni kuwa wanapokuwa wanapimiwa maeneo yao ya sili wanapewa eneo dogo ukilinganisha na lilivyokuwa awali huku sehemu nyingine zikikatwa na kupewa watu wengine.

“Ndugu Mwandishi wa Habari Mgogoro Mkubwa unaojitokeza ni kwamba Mkuu wa Mkoa alisema ambao hatujalipwa turudishiwe maeneo yetu lakini unakuta baada ya kupimwa maeneo hayo tunaambulia eneo dogo  tofauti na mwanzo yani unaweza kutegemea kiwanja vinne lakini ukaambulia kimoja na ukilalamika hausikilizwi,”alisema

Gastoni Mwangisi alisema alitozwa kiasi cha Sh. 50,000 na watu wanaoendesha zoezi la utambuli bila kukatiwa risiti ya malipo huku wakimweleza fedha hiyo ni kwa ajili ya kulipia gharama za utambuzi wa eneo lake.

Mjumbe wa Serikali ya Mtaa huo Thabit Nzunda alisema anafuatilia suala hilo kwa ukaribu katika mamlaka husika ili hatua stahiki ziweze kuchukiliwa.

Afisa ardhi wa jiji la Mbeya Patriki Mwakilili alikiri kuwa Tume ya wataalamu inaendesha zoezi la uhakiki na utambuzi wa maeneo katika mtaa huo ili kuhakikisha kila mwananchi anapata eneo lake stahiki.

Kuhusiana na wananchi kutozwa kiasi cha 50,000 kwa ajili ya vipimo alisema ofisi yake haina taarifa hivyo atafuatilia ili aweze kupata maelezo ya kina na amewataka watu waliotozwa fedha hizo wafike ofisini kwake.

Akizungumzia Mapunjo ya Fidia alisema halmashauri imefungua akaunti ya Maalum kwa ajili ya kuwalipa fedha watu ambao wamefanyiwa uhakiki na kwamba zoezi la fidia litaanza kufanyika mara moja mara baada ya kukamilisha taratibu zote.