WADAU MBALIMBALI WAKUTANA KUTATUA ZIRO MASHULENI

RUNGWE-MBEYA

KUFUATIA matokeo mabaya ya ufauru kwa wanafunzi wa shule zilizopo wilayani Rungwe mkoani Mbeya,wadau wa elimu wilayani humo,wamekutana na walimu pamoja na viongozi wa serikali kujadili namna na kuondoa ziro mashuleni.

Wilayan ya Rungwe ni moja ya wilaya zilizopo mkoani Mbeya ikiwa na halmashauri Mbili ambazo ni Busokelo na Rungwe,kwa mwaka huu 2018/19 imekuwa na matokeo yasiyoridhisha ya ufauru kwa wananfunzi,ambapo juzi wadau wamekutana ili kujadili hali hiyo.

Wakitoa mapendekezo kwa nyakati tofauti juu ya nini kifanyike ili kuongeza kiwango cha ufaulu wilayani hapa wadau wa elimu walioshiriki kwenye kongamano lilifanyika kwenye ukumbi wa halmashauri ya wilaya ya Rungwe, wamesema kuwa serikali iweke mazingira wezeshi shuleni ikiwemo kuweka umeme.

Joshua Kiwelo mdau wa elimu,alisema ili kuongeza ufauru,ipo haja ya  kujenga nyumba za walimu na kuboresha miundombinu ya shule, pamoja uwepo wa mabweni kwa watoto wa kike na uwepo wa chakula cha mchana mashuleni pamoja na kutatua changamoto ya lugha ya kufundishia.

Julieth Mwaifwani,mdau wa elimu,alisema ukosefu wa mazingira rafiki ya kufundishia,ikiwemo mahusiano duni kati ya walimu na wazazi chanzo cha watoto kufanya vibaya darasani,ili kuongeza ufauru ushirikiano kiwe kipaumbele cha kwanza.

Alisema shule nyingi majengo yake ni chakavu,hakuna matundu ya vyoo ya kutosha,walimu kuishi mbali na shule,walimu kutopata stahiki zao na hata kupandishwa madaraja richa ya kuwa wamekudhi vigezo,hiyo ni changamoto kubwa itakayozidi kudidimiza elimu wilayani humo.

Akizungumzia changamoto hizo zilizopelekea wanafunzi kufeli,mkuu wa wilaya hiyo,Chalya Julius,alisema baadhi ya walimu ni wazembe na watoro kazini,hivyo amemuagiza mkurugenzi mtendaji wa halmashauri hiyo,kuchukua hatiua,ikiwemo kupigania maslahi ya walimu.

Aidha mkuu huyo wa wilaya,alitolea ufafanuzi sera ya elimu bure ambayo wazazi wanapashwa kutambua umuhimu wa kusaidiana na walimu kwa ajili ya utatuzi wa kero zilizopo na kuleta maendeleo mazuri shuleni na hasa kuchangia vyakula ili wanafunzi wale mchana.

 Hata hivyo Chalya, alisema mzazi anaweza kuchangia uboreshaji wa huduma na miundombinu ya shule kupitia kwa mkurugezi wa halmashauli na sio wakuu wa shule wala mwenyekiti wa kamati na kuwa changamoto zingine serikali itazifanyia kazi.

Nae mkurugenzi mtendaji wa halmashauli ya wilaya ya Rungwe Leonard Peter alisema ameyapokea maagizo ya mkuu wa wilaya na kuahidi kuwasimamia walimu ili kuongeza uwajibikaji darasani na kutafuta mbinu mpya itakayowezesha kuongeza ufauru mwaka 2019/2020.

Matokeo ya mitihani ya darasa la saba mwaka 2017/18 Rungwe ilishika nafasi ya pili kimkoa,huku ikishika nafasi ya 13 Kitaifa ambapo katika mitihani ya kidato cha nne imefanya vibaya nah ii leo wadau wakukutana ili kulitafutia ufumbuzi suala hilo.