WASAMBAZAJI WA MBOLEA WILAYANI KYYELA MKOANI MBEYA WAMEPEWA ONYO NA MKUU WA WILAYA HIYO CLAUDIA KITTA KUFUTATA TARATIBU ZA SERIKALI ZAKUUZA KWA BEI ELEKEZI

Mbeya

MKUU wa wilaya ya Kyela mkoani Mbeya,Claudia Kitta,amewataka wafanyabiashara waliopewa tenda ya kuuza mbolea kwa bei elekezi kuuza kwa kufuata utaratibu uliowekwa wa kuuza kwa bei elekezi badala ya kupandisha bei inayomnyonya mkulima.

Serikali imebadiri mfumo wa ugawaji pembejeo kwa mtindo wa vocha baada ya kuwepo kwa malalamiko mengi ya wakulima kuwa hawanufaiki na mfumo huo ambapo mwaka huu wafanyabiashara watauza kwa bei elekezi ili kila mkulima anunue dukani.

Kufuatia mpango huo, baadhi ya wafanyabiashara walio orodheshwa majina na kampuni zao na kupewa utaratibu huo, wengi wao wamejiondoa kwa madai kuwa mpngo huo unawaminya na kwamba kwa waliokubali wamepewa onyo kali baada ya kuwepo tetesi za kuuza pembejeo kwa bei juu.

Akizungumza kwenye mdaharo uliofanyika kwenye ukumbi wa chuo cha Biashara K.P.C. ulioitishwa na shirika la kiraia la Jitambue Lembuka Tanzania (J.L.T) mwenyekiti wa kamati ya pembejeo wilayani humo,Claudia Kitta,alisema ili kuhakikisha wakulima wanalima kwa manufaa ni lazima maafisa ugani wawafuate wakulima.

Kitta ambaye pia ni mkuu wa wilaya hiyo,amesema ikibainika wafanyabiashara wanauza pembejeo kwa bei ya kilanguzi hata sita kuwachukulia hatua huku akieleza kuwa serikali ya awamu ya tano ni ya viwanda,ili viwanda viweze kuendelea ni lazima wakulima wazarishe mazao mengi.

Aidha Kitta alisema mbali na mkulima kulima mazao mengi,pia aliwataka maafisa kilimo kutokaa maofisini na badala yake waende mashambani kutoa elimu na ushauri kwa wakulima namna ya kulima kilimo cha kisasa vinginevyo alisema hata wafumbia macho kuwawajibisha endapo hawatafuata agizo hilo.