WAKULIMA WILAYANI MBOZI MKOANI HAPA WAMEASWA KUZINGATIA KANUNI BORA ZA KILIMO ILI KUPATA KIPATO CHENYE TIJA

MBOZI

Wakulima wilayani mbozi mkoani hapa wameaswa kuzingatia kanuni bora za kilimo zinazotolewa na wataalamu wake ili kujipatia kipato chenye tija.

Wito huo umetolewa na afisa mazao wilaya ya mbozi mkoani hapa Lydia shonyela wakati akizungumza na kituo hiki juu ya mikakati waliyonayo katika kuhakikisha wakulima wilayani hapa wananufaika na kilimo.

Shonyela amesema katika kuhakikisha mkulima ananufaika na kilimo wameandaa mikakati maalum ikiwa ni pamoja na kuhakikisha pembejeo zinapatikana kwa wakati, udhibiti wa ubora wa pembejeo ikiwa ni pamoja na dawa na mbolea na kusimamia bei elekezi iliyowekwa na serikali.

Ameongeza kwa wauzaji wa pembejeo kuhakikisha wana vibali maalumu vya kuuza pembejeo hizo ikiwa ni pamoja na kuwa na vifaa maalumu vya uuzaji wa pamoja na kuzingatia bei iliyowekwa na serikali kinyume na hapo hatua kali za kisheria zitachukuliwa kwa watakaobainika kuwa tofauti na hapo.

Akizungumzia changamoto zilizopo kwa sasa katika upande wa kilimo shonyela amesema mkulima aliyekijijini hapati fulsa kutoka  katika makampuni ya usambazaji wa pembejeo kutokuwepo soko la uhakika la mzao mabadiliko ya tabia nchi uelewa mdogo wa wakulima kutokusafisha mazao na kutozingatia vipimo wakati wa uuzaji.

Aidha ametoa wito kwa wakulima kuhakikisha wanauza mazao yao kwa vipimo halali kwa kutumia mizani na wakati wa kununua pembejeo wakumbuke kudai risiti pia pembejeo hizo zinunuliwe kwa wakala anayeeleweka.