WATUMISHI WOTE WA SEREKALI WILAYANI MBOZI MKOANI SONGWE WAMEPEWA SIKU 30 WAWE WAMEHAMIA KWENYE VITUO VYAO VYA KAZI

MBOZI-SONGWE

Kauli hiyo imetolewa na mbunge wa jimbo la vwawa japhet ngailonga hasunga wakati wa ziara yake katika kata ya kilimapimbi tarafa  alipo kuwa akisikiliza kero za wananchi ambapo amewataka watumishi wote wa serikali wahamie sehemu zao za kazi kwani imeonekana watumishi wengi wanaishi mjini na kwenda kufanya kazi vijijini.

Mh hasunga ameongeza kuwa mtumishi yeyote ambaye hatakaa eneo lake la kazi sheria itachukua mkondo wake hivyo ndani ya siku 30 wawe wamehamia sehaem zao za kazi.

Mmoja wa watumishi wa serikali wilayani mbozi christabell mapundamwalimu mkuu shule ya msingi ikomela amekili kuto kaa eneo la kazi ambapo amesema kuwa changamoto kubwa ni miundombinu ambayo si rafiki kwao lakini pia baadhi ya watumishi wamehamishwa maeneo yao ya kazi bila kuwapa usafili kwa ajili ya kusafilishia mizigo yao.

Afisa tarafa wa vwawa haji hamisi Ibrahim amekili kuwa watumishi wengi hawakai maeneo yao ya kazi kwani hata watumishi wa kata wengi hawakai maeneo yao ya kazi hivyo inakuwa ngumu kuwaambia watumishi wa ngazi ya kijiji wakati wao wenyewe hawakai maeneo yao ya kazi hivyo wametoa siku 30 wote wawe maeneo yao ya kazi.

Baadhi ya wanachi  Sophia joseph na aziza mgala wameshukuru kwa hatua iliyochukuliwa na serikali kwani huwa inapotokea dharula inakuwa ngumu kutatuliwa kwa wakati..