MWENYEKITI WA KIJIJI CHA MPELA KATA YA IPUNGA WILAYANI MBOZI MKOANI SOGWE SUBATI MKONDYA AMEPEWA MUDA WA MIEZI MIWILI KUWEZA KUKAMILISHA UJENZI WA MACHINJIO YA NYAMA

MBOZI-SONGWE

Wakizungumza mbele ya Mbunge wa Vwawa Japhet Hasunga alipokuwa kwenye ziara ya kikazi katika Kijiji hicho baadhi ya wananchi Rusayo Mtafya pamoja na John Siame wamesema kuwa kwa kipindi kirefu kijiji hicho hakikuwa na sehemu ya kuchinjia nyama na kuwaweka wananchi hao katika hali ya hatari kutokana na kula nyama ambazo zinachinjwa sehemu si salama.

Haji Hamisi Ibrahimu Afisa Tarafa wa Vwawa amekiri kuwepo kwa changamoto hiyo katika Kata ya Ipunga ambapo aliamua kumpa Mwenyekiti wa Kijiji hicho muda wa Miezi Miwli kuweza kujenga na kukamilisha Ujenzi wa Machinjio hiyo.

Kwa upande wa Mwenyekiti huyo Subati Mkondya amekiri kupokea agizo hilo la Afisa Tarafa ya Vwawa na kuahidi kulitekeleza kwa muda aliopangiwa lakini pia amewaomba Viongozi waweze kumsaidia katika kukamilisha ujenzi huo kwani peke yake hatoweza.

Naye Mbunge wa Vwawa Japhet Hasunga ameahidi kusimamia na kufanyia kazi mchakato huo wa ujenzi wa Machinjio hayo haraka iwezekanyo ili kutatua tatizo  la kula nyama ambazo zinachinjwa onyo kwani kufanya hivyo ni hatari kwa afya za Binadamu.