MAMLAKA YA MAWASILIANO TANZANIA (TCRA) NYANDA ZA JUU KUSINI WAMETOA ELIMU ZAIDI JUU YA HUDUMA YA MAWASILIANO YA KIMTANDAO KWA NJIA YA SIMU (MNP) INAYOMUWEZESHA MWANANCHI KUHAMA MTANDAO MMOJA KWENDA MTANDAO MWINGINE BILA KUBADILI NAMBA YA SIMU.

MBEYA

Huduma hiyo ya MOBILE NUMBER PORTABILITY (MNP) ambayo imeanzishwa rasimi mwezi march mwaka huu na mamlaka hiyo ni huduma ya hiari itakayompa uhuru mwananchi kuweza kuhama mtandao wowote wa simu anaotaka na kuendelea kupata mawasiliano bila kulazimika kubadili namba yake ya simu.

Akitoa ufafanuzi wa namna ya matumizi ya huduma hiyo katika kikao kilichowakutanisha na waandishi wa habari katika ofisi za mamlaka hiyo jijini mbeya mhandisi eng MWESINGWA FELISIAN amesema ili kuweza kufanikisha huduma hiyo ni lazima kufuata taratibu na sheria zilizowekwa ikiwa ni pamoja na kumtafuta mtoa huduma mwenye ubunifu na huduma zake.

Mwesingwa ameongeza kuwa lengo la kuleta huduma hiyo kwa wananchi ni kuongeza ushindani kwenye sekta ya mawasiliano ambayo itachochea utoaji huduma bora na zenye gharama nafuu na kwamba kama kutakuwa na mtandao ambao huduma zake haziridhishi basi wateja watahama mtandao huo na kuhamia mtandao mwingine pasipo na usumbufu wowote.

Aidha amessisitiza ili kuweza kupata huduma hiyo mwananchi atatakiwa kutuma ujumbe mfupi SMS wenye neno HAMA au PORT kwenda namba 15080 ambayo ni namba maalumu ya kuhama na hii ni katika kudhibiti udanganyifu na endapo kutakua na kiasi chochote cha pesa kwenye line mwananchi atatakiwa kukitoa kwanza ili kuepuka usumbufu unaoweza kujitokeza.

Akijibu baadhi ya maswali yaliyoulizwa na waandishi wa habari ikiwemo baadhi ya mitandao ya simu huduma zake kuwa kero kwa wananchi hususani mawasiliano kutokupatikana muda wote ikiwa ni pamoja na wananchi wanaoishi vijijini ambapo mara nyingi mtandao huwa ni shida, naibu mkurugenzi msaidizi maswala ya malalamiko THADAYO RINGO amesema swala hilo bado linafanyiwa ufumbuzi na kwamba muda wowote hizo kero zitakwisha.