MAHAKAMA YA MWANZO WILAYA YA MBOZI MKOANI SONGWE IMEMPANDISHA KIZIMBANI FOSTA MWAMLIMA (25) MKAZI WA KIJIJI CHA ILOLO KWA KOSA LA KUVAMIA VYOO VYA WASICHANA

MBOZI-SONGWE

Akisomewa mashitaka hayo na Kopro Nkwimba mbele ya hakimu wa mahakama hiyo lazima Mwaijage amesema mnamo agosti 1/ 2017 majira ya saa 11:30 alfajiri katika  maeneo ya mabweni  ya shule ya sekondari ya ng’amba fasto mwalima alionekana akichungulia kwenye bafu la wasichana muda ambao wanafunzi hao wakiwa wanaoga.

Kwa upande wa Mkuu wa shule hiyo Christopher Mswima amekiri kutokea kwa tukio hilo shuleni hapo na kusema kuwa tukio hilo lilianza kutokea usiku wa julai 31 ambapo watu wasiojulikana walivaa shuleni hapo na kufungua dirisha la bweni la wanafunzi hao na kuweza kuiba mfuko mmoja wa daftari pamoja na baadhi ya nguo za wanafunzi.

Ameendelea kusema kuwa majira ya alfajili waliweza kumkamata mshitakiwa huyo na kufanya nae mahojiano ambapo  amesema kuwa na mara ya Pili kufika Shuleni hapo, lakini mshitakiwa alikana shitaka hilo na kusema kuwa yeye hajahusika na tuhuma hizo.

Hakimu wa Mahakama hiyo Mwaijage ameahirisha kesi hiyo hadi agosti 4 ambapo upande wa Mshitakiwa amerudishwa tena Mahabusu baada ya kukosa Wadhamini na kuwataka mshitakiwa na Mshitaki kuja na mashahidi pamoja na dhamana kwa upande wa mshitakiwa.