MKUU WA MKOA WA SONGWE CHIKU GALLAWA AMEWATAKA WAKUU WA KAYA MKOANI HAPA KUHAKIKISHA KUWA KUNAKUWA NA AKIBA YA CHAKULA KWA KILA FAMILIA .

SONGWE-MBOZI

Akizungumza na Wandishi wa Habari ofisini kwake Mkuu wa mkoa wa Songwe Chiku Gallawa amesema kuwa kwa Mwaka 2016/2017 jumla ya hekta 411,575 za Mazao ya chakula zililimwa na kuvunwa Jumla ya Tani 995,051 ambazo ni sawa na asilimia 92% ya Lengo la mwaka la kufikia Tani 1,070,457, na kwa Mahitaji ya Mkoa inakadiliwa kufikia Tani 467,355 hivyo kuwa na zaidi ya tani 527,696 ya Mazao ya Chakula.

Gallawa ameendelea kwa kusema kuwa Malengo ya Mkoa kwa Mwaka 2017/2018 ni kuzalisha Jumla ya Tani 1,276,836 za Mazao ya Chakula na Tani 134,412 za Mazao ya Biashara, pia katika Mkoa wa Songwe inakadiliwa kiasi cha Tani 59.5 zinanunuliwa na kusafirishwa kila siku katika kipindi cha Mavuno hivyo kuwashauri Wakulima na Wafanyabiashara kutouza Mazao bila kujali akiba kwa Matumizi ya Kaya zao.

Wakati huo huo Mkuu wa Mkoa  chiku gallawa amewaomba  Wananchi wa Mkoa wa Songwe kuwa kutakuwa na Ugeni wa Waziri Mkuu wa Jamhuri ya Muungano wa Tanzania Mh.Kassimu Majaliwa  anayetarajia kufanya Ziara ya siku 4 kuanzi Tarehe 20 hadi 24  julai 2017 ambapo atatembelea Majimbo yote sita pamoja na kukagua miradi ya Maendeleo.

Aidha amesema kuwa lengo la Ziara hiyo ni kuhamasisha na kufuatilia Shughuli za Maendeleo pamoja na Kuongea na Wananchi na Watumishi wa Umma kwa Ujumla hivyo amewaomba Wananchi kujitokeza kwa wingi kumpokea Waziri Mkuu na kujitokeza kwenye Mikutano ya Hadhara pamoja na kuuliza Maswali au kutoa maoni ili kuleta Maendeleo katika Mkoa wa Songwe.