MIAKA 30 JELA KWA KOSA LA UNYANG'ANYI WA KUTUMIA SILAHA

Momba-songwe 

na manuel kaminyoge 

Aron Martin Silungwe  mkazi wa  Tunduma Wilaya ya Momba Mkoani Songwe amehukumiwa  kutumikia kifungo cha miaka 30 Jela baada ya kukutwa na hatia katika Kesi  ya Unyang’anyi wa Kutumia Silaha iliyokuwa ikimkabili  katika mahakama Ya wilaya ya Momba.

Shauri hilo jinai namba 93/217  lilifikishwa katika mahakama ya Wilaya ya Momba Mnamo  mei 9 mwaka huu  mbele ya Hakimu Mkazi wa Mahaka hiyo Mh.James Mhanus , ambapo mwendesha mashtaka wa Polisi Joery Mori  amesema mshtakiwa  alikana shtaka na kusikilizwa pande mbili.

Mshtakiwa  alitenda kosa hilo Mnamo Mei 30 saa saba za usiku katika Nyumba ya kulala wageni  ijulikanayo Super Time mali ya Mussa Ally ambaye ni  shahidi   namba moja,akaieleza mahakama kuwa mshtakiwa na  wenzake wawili wakiwa na silaha mbalimbali   Mapanga  na  Nondo  walifika katika nyumba yake  na kumteka  mlinzi Haluna Msongole  kisha kumfunga kamba na kumfungia chumba cha Jiko Wakimtaka kunyamaza kimya  endapo angekaidi wangemuua, na kuvunja milango, walifanikiwa  kuiba mali mbalimbali  ikiwemo seti ya  Muziki na Luninga zenye thamani ya zaidi ya shilingii laki milioni  8 na pesa pesa za mauzo ya siku.

Katika harakati za kutekeleza tukio hilo, mmoja wa wageni aliyelala katika nyumba hiyo alimpigia simu mmiliki wa Nyumba hiyo na kufanikiwa kuwahi kabla wezi hao hawajaondoka eneo hilo wakiwa na usafiri wa pikipiki  Aina ya Tibeter MC Yenye namba  309 BHD Mali ya Aron Godwin ambaye alikuwa shahidi namba mbili katika shauri hilo, walijaribu kutoroka lakini mmiliki huyo aliwagonga na gari na kusababisha ajali ambapo mshtakiwa na wenzake walitoroka eneo hilo hadi alipokamatwa kwa mtego wa polisi kwa msaada wa mmiliki wa pikipiki hiyo.

Shahidi  namba mbili mmiliki wa pikipiki hiyo,  aliiambia mahakama  kuwa Mshtakiwa alikuwa na kawaida ya kuazima pikipiki  mara kwa mara na siku hiyo aliazima akidai kuwa alikuwa na safari ya kijijini kwao kwa majukumu ya kifamilia na kamba angeirudisha asubuhi badala yake siku ya tukio saa 9 za usiku alimpigia simu akimueleza kuwa alikuwa ameporwa pikipiki na majambazi alipotakiwa kuripoti kituo cha polisi hakuwa tayari na kumsihi yeye ambaye ni mmliki aende polisi na sio yeye hadi alipotegewa mtego na kunasa mikononi mwa sheria.

Akitoa adhabu hiyo Hakimu Mhanusi amesema kosa launyang’anyi wa kutumia silaha ni kinyume cha sheria  namba 287 kifunguu cha kwanza A cha kanuni ya adhabu namba 16 ya mwenendo wa makosa ya jinai iliyofanyiwa marekebisho mwaka 2002, kutokana na wingi wa matukio ya mauaji na ujambazi wa kutumia silaha Wilayani Momba Mwendesha mashtaka wa polisi akaiomba mahakama kutoa adhabu kali kwa mshtakiwa licha ya utetezi wake kuwa na familia inayomtegemea hakimu mhanusi akatoa adhabu ya kutumikia kifungo cha miaka 30 Jela ili kutoa funzo kwa wengine.