SERIKALI KUANDAA UTARATIBU UTAKAO TUMIKA KATIKA UUZAJI WA MADINI YA DHAHABU

 SONGWE

SERIKALI imesema inaandaa utaratibu utakaotoa mwongozo wa namna bora ya uuzaji wa madini aina ya dhahabu ili kuwawezesha wachimbaji wadogo kutokuwa sehemu ya watoroshaji wa madini hayo nchini.

Naibu Waziri wa Madini,Dotto Biteko alibainisha hayo alipokuwa akizungumza na wachimbaji wadogo wa dhahabu katika kata ya Saza wilayani Songwe.

Biteko alisema Serikali imegundua kutokana na kuwepo kwa uuzaji holela wachimbaji wadogo wamekuwa wakiuza hovyo hovyo dhahabu wqanayopata yakiwemo kwa baadhi ya wanunuzi ambao si waaminifu na hawalipi kodi ya Serikali.

“Tunataka wewe mchimbaji mdogo unapomuuzia mtu dhahabu yako ujue nay eye anakwenda kuiuza wapi.Kwa hali ilivyo hivi sasa ninyi wachimbaji wadogo wala hata hamjui kama hao mnaowauzia wanapeleka wapi na wala hamtambui iwapo wanalipa kodi ya serikali au lah”

“Sasa tunaandaa utaratibu na tutauketa hivi karibuni.Ila kwa atakaekiuka utaratibu huo hapo atajua Serikali yetu ni ya namna gani.Tunataka sisi sote tushirikiane kukomesha utoroshaji wa madini yetu.Watanzania mnufaike na rasilimali zenu.Hivi9 ninyi hapa Saza hamuitaji barabara ya lami!...sasa tutajenga vipi kama tunaibiwa”alihoji Biteko.

Naibu Waziri huyo alilazimika kuyasema hayo baada ya kuulizwa na wachimbaji wadogo juu ya njia sahihi ya uuzaji wa dhahabu wanayochimba kwakuwa wamekuwa wakiwauzia watu wa kati ambao haijulikani wanapeleka wapi.

Mmoja wa wachimbaji wadogo hao Fatuma Muyinga alisema ni wakati kwa Serikali kuwapa mfumo sahihi wa uuzaji madini wachimbaji wote wa madini ili kuwa na uelewa wa pamoja wa namna ya kudhibiti wizi uliofanyika kwa muda mrefu na kukwqamisha maendeleo ya watanzania.