WILAYA YA MOMBA MKOANI SONGWE YAZIDI KUSHAMBULIWA NA UGONJWA WA HOMA YA MATUMBO NA KIPINDUPINDU

 

Wagonjwa wanao umwa homa ya matumbo na kipindupindu

MOMBA-SONGWE

ASILIMIA 80% ya wananchi wa vijiji vya Chole na Mkomba kata ya Mkomba wilaya ya Momba mkoani Songwe wanaugua homa za matumbo ikiwemo kipindupindu na kuhara kutokana na tatizo la kukosekana kwa maji safi na salama ambapo wamesema wanalazimika kutumia maji machafu yasiyo salama ambayo hata hivyo hayapatikaniki kirahisi hivyo kuitaka serikali katika bajeti yake ya mwaka 2017/2018 itoe kipaumbele vijijini  katika kutatua kero ya maji.

 Wananchi  hao  wamekiambia  kituo  hiki  kuwa   tatizo  hilo  ni  la  muda  mrefu ,  na  kuwa    kutokana na   hali  hiyo  wamekuwa  wakipata  magonjwa   ya  milipuko  na  kuomba  serikali  kuwangalia  kwa   jicho  la  tatu  ili  kuweza   kuondokana na    adha  hiyo  kama  wananvyo  bainisha  zaidi menance maarifa   makazi  wa   mkomba  na  ernesti sichimbo  makazi  wa   chole.

  

Hali    hiyo   imefanya  Mwenyekiti wa kijiji cha Chole Damian Sichila na Diwani wa kata ya Mkomba Colletha Mwanselela  kupaza  sauti  zao  na   kusema   katika vitongoji 25 ni kitongoji kimoja tu chenye unafuu wa maji huku vingine 24 havina maji na kuongeza kuwa katika bajeti ya mwaka 2016/2017 kata ya Mkomba ilitengewa fedha za maji million 16 lakini hazikutolewa mpaka   hivi  sasa , hivyo kuiomba halmashauri kuhakikisha bejeti ya mwaka huu inatekelezeka.

  

Vongozi wa halamashauri ya wilaya ya Momba  akiwemo  mkuu  wa  wilaya   hiyo Juma said Irando , maua mgalla  kaimu  mkurungezi   na  matha  chikoti  mwenyekiti  wa   halamashauri  ya   momba  , ambao  licha ya kukiri kuwepo kwa kero hiyo wamesisitiza kuwa fedha zilizotengwa na serikali kuu kwa ajili ya maji, vijiji  vyenye kero kubwa zaidi kikiwemo cha Chole vimepewa kipaumbele.