AFISA MTENDAJI RUNGWE AKUTANA NA MKONO WA TAKUKURU

 

OFISI ZA WILAYA YA RUNGWE MKOA WA MBEYA

RUNGWE-MBEYA

AFISA mtendaji wa kata ya Simike wilayani Rungwe mkoani Mbeya,Rehema Maraso amejikuta akiwa mikononi mwa Taasisi ya Kuzuia na Kupambana na Rushwa (TAKUKURU) na kuhojiwa kwa saa kadhaa baada ya kutuhumiwa kwa makosa ya matumizi mabaya ya madaraka ikiwemo kutoza fedha pasipo kutoa risiti.

Akizungumza jana na gazeti hili,mkazi wa kijiji cha Kagwina Award Kalonga,alisema mtendaji huyo amekuwa akitumia vibaya madaraka yake kwa kuwatoza watu ushuru pasipo kuwapa lisiti na kuwa mbali na mambo mengine alimtoza faini mkazi wa  kijiji cha Kalalo Richard Gwakabale,pasipo kumpa lisiti na kujikuta akiwa mikononi mwa Takukuru.

Mkazi wa kijiji cha Kalalo Richard Gwakabale,alisema ilikuwa tarehe 14 Augost 2017 aliitwa ofisi ya kijiji ambapo mtendaji aalimueleza alipe faini kwa kusababisha kutofikia lengo la makusanyo kwa sababu ya kuwahamasisha wafanyabiashara kutolipa ushuru,licha yan kuwa serikali imekataza ushuru kwa wakulima wadogo.

Alisema baada ya hapo aliambiwa na afisa mtendaji wa kijiji  cha kalalo,aliyafahamika kwa jina la Murid kuwa kijiji kimeweka malengo ya makusanyo ya, ushuru kwa siku 50,000 na kwakuwa hawajafia lengo na kutakiwa kulipa faini Tsh, 50,000 ambazo amezilipa na baada ya kulipa mtendaji kata alimuita ofisini kwake akaambiwa alipe tena elfu 22,000 kama faini ambapo aliomba umda wa kuzitafuta.

Alisema alipoenda kutaka kuzilipa aliomba apatiwe kwanz alisiti kutokana na malipo ya faini ya awali kufidia hasara waliyoipata ndipo alipe faini nyingine ndipo utata ulipoanza na kwamba aliamua kwenda Takukuru ili kupata haki yake huku akida serikali inasisitiza risiti na yeye alitaka lisiti lakini viongozi hao hawakuwa tayari kumpatia.

Alisema baada ya kutoa taarifa Takukuru walifika katika ofisi hiyo ya mtendaji kata ambapo walimchukua afisa huyo hadi kwenye ofisi yao kwa ajili ya mahojiano na kilichoendelea huko alisema hakukiju na kwamba usiku wake alishangaa askari mgambo kuanza kumsaka.

Hata hivyo maafisa hao wa Takukuru Wilayani Rungwe hawakuwa tayari kulizungumzia suala hilo,wala kutaja majina yao wakidai kuwa wao sio wasemaji na hata hivyo walisema wataharibu  taratibu zao za suchunguzi.

Kamanda wa taasisi ya kuzuia na kupambana na Rushwa ( TAKUKURU) mkoani Mbeya Emmanuel Kiyabo hakupatikana ofisini kwake kutokana na kuwa kwenye mapumziko mafupi ya mwishoni mwa wiki na alipopigiwa simu iliita bila kupokelewa.

Akizungumza kwa njia ya simu,Mwenyekiti wa hamashauri hiyo Ezekiel Mwakota,licha ya kukiri kuwepo na hali hiyo,alisema chanzo ni mwanakijiji huyo, ambaye alikuwa akiwahamasisha wafanyabiashara kutolipa ushuru baada ya halmashauri kubuni chanzo cha soko la ndizi ambapo kila mgungu unalipiwa shilingi 100,na wanunuzi kutoka mikoani.

Alisema kwa sheria za halamashauri ni kuwa kama mtu atazuia watu kulipa ushuru  ni lazima atoe faini na kuwa afisa mtendaji kumtoza faini mtu huyo alikuwa sahihi na kuwa baada ya hapo kijana huyo alienda Takukuru ambao walikuja kuwachukua na kuwahoji.

Katibu Tawala wilayani Rungwe Moses Mashaka,alisema hajapata taarifa kuhusu mtendaji huyo kuhojiwa na Taasisi hiyo,na kwamba anachokijua ni kuhusu wenyeviti wa vitongoji na kijiji kutaka kujiuzuru ambapo suala hilo linashughurikiwa na vyama vyao na wao wanasubiri taarifa.

Hata hivyo,wenyeviti wa vitongoji na kijiji hicho wamepanga kujiuzuru nyadhifa zao wakida kuwa afisa mtendaji huyo anatumia vibaya ambapo wamesema hawapo tayari kufanya naye kazi wakidai amekuwa na tuhuma lukuki.