HALMASHAURI YA MOMBA YAWAFUTA KAZI WATUMISHI 25 WALIOGHUSHI VYETI.

Mwenyekiti wa halmashauri ya Momba Mathew Chikoti(kushoto akinyoosha mkono)

MOMBA-SONGWE

Halmashauri ya wilaya ya Momba mkoani Songwe,imewafuta kazi watumishi 25 waliobainika kuwa na vyeti bandia ambapo 17 kutoka idara ya afya, 3, idara ya elimu na 5 kitengo cha utawala.

Akizungumza jana mbele ya kikao cha baraza la madiwani kilichofanyika kwenye ukumbi wa halmashauri ya wilaya ya Momba,Mwenyekiti wa halmashauri hiyo,Mathew Chikoti,alisema kufuatia zoezi la Rais John Magufuli la kuhakiki watumishi hewa,na wao walifanya hivyo na kuwakuta 25.

Alisema awali walikuwepo watumishi hewa na wakaondolewa lakini wakaanza na uhakiki upya na kubaini kuwepo hewa wengine ambapo baadhi yao walivikimbia vituo vya kazi baada ya kujitambua kuwa ni feki.

''Kuanzia leo nakuagiza mkurugenzi,watumishi hawa 25 sio watumishi tena tumewafukuza rasmi,kilichobakia ni kuhakikisha taratibu za kuwapeleka mahakamani zinafanyika,maana wametumia kodi za wananchi kudanganya huku wakilipwa mishahara'alisema Chikoti.

Baraza la madiwani momba wakifatiria kwa umakini kwenye kikao

Kaimu Mkurugenzi mtendaji wa halmashauri hiyo,Injinia Maua Mgalla,alisema baada ya uhakiki wa mara ya pili wamebainika watumishi hao kuwa ni feki,ambapo watatu walibainika kuwa na vyeti vyenye utata kati ya hao mmoja aliwasilisha cheti chake na wawili walikimbia.

Alisema alisema katika uhakiki huo, watumishi hewa idara ya afya ni 17,walimu 3 na utawala ni 5 baada ya kubaini hayo wakapeleka kwa mwenyekiti wa halmashauri ambaye ametangaza rasmi watumishi hao kufutwa kazi na taratibu za kuwapeleka mahakamani zinafanyika.

Norasto Simbeye,diwani wa kata ya Mpapa kupitia kikao hicho,alisema watumishi hao wamelipwa fedha za wananchi kama mshahara wakati wanajua kuwa ni feki hivyo ni lazima wasakwe popote walipo ili wafikishwe mahakamani kujibu tuhuma zinazo wakabiri.

Hata hivyo,halmashauri ya Momba ni mpya iliyomegwa kutoka wilaya ya Mbozi ikiwa na changamoto nyingi ikiwemo ya uhaba wa watumishi hasa wa idara ya afya,ambapo baadhi ya zahanazi zina muhudumu mmoja na kuwa kuondolewa kwa watumishi hao sekta nyingi zitakumbwa na uhaba wa watumishi.