ZAHANATI ZA WILAYA YA KALAMBO MKOANI RUKWA ZA KUMBWA NA UHABA WA MADAWA

Zahanati

KALAMBO-RUKWA

IMEELEZWA   kuwa    kukosekana  kwa  dawa    kwenye  vituo  vya  afya  na  zahanati katika  wilaya  ya  kalambo   mkoani   Rukwa   ni  kutokana na    wakuu  wa  idara   ya  afya   kushindwa  kutoa  taarifa  mapema kwenye  uongozi  husika   pamoja  na  kushindwa  kujua  bajeti   ya  dawa  kwenye  vituo  vyao na   kupelekea    kujitokeza  kwa  malumbano   baina yao  na  wananchi.

Hayo  yamesemwa  na  Waziri  wa   wa Afya, Maendeleo ya Jamii, Wanawake Jinsia, Wazee na Watoto Mh. Ummy Mwalimu  wakati  akiongea  na  wahudumu  wa  afya    katika   wilaya  ya  kalambo  mkoani  hapa, ambapo  ameshangazwa  na  kitendo  cha   kusekana  kwa   dawa   kwenye  vituo  vya  afya  na  zahanati  wilayani  humo   kutokana  na  serikali  kuongeza   bajeti ya  fedha  za   dawa  katika  wilaya   hiyo  kutoka  milion  121 hadi   kufikia     shilingi  milioni  333 . 

Amesema   kituo  cha  afya  cha  Matai  pekee  ambacho  kinatoa  huduma  kama  hospitali   ya   wilaya   kimeongezewa  bajeti   kutoka  shilingi  laki mbili   na  sabini  na  sita   hadi   kufikia    kiasi  cha   shilingi milioni mbili  na  laki  sita   na  kuwa   fedha  hizo  zimetolewa   kwa  ajili  ya  dawa  pekee na  kuwagiza madiwani  kusimamia  fedha  hizo  ili  zitumike  kama   ilivyopangwa.

Kwa   upande  wa  wahudumu  wa  afya  wilayani  humo  wameiomba  serikali   kuwaongezea  mishahara  hususani  kwa  watumishi  ambao   wamekuwa  wakiongezea  elimu  yao   sambamba  na  kuwapandisha madaraja  kwa  wakati ili  kuongeza  jitihada  ya   ufanisi  wa  kazi.