WANANCHI TUNDUMA WALIA UKOSEFU WA ENEO LA MAZIKO

 

TUNDUMA-SONGWE

IMEELEZWA kuwa kukosekana na eneo la maziko kwa ajili ya kuwasitili wananchi pindi wanapokufa kumeibua sintofahamu kwa wananchi wa Mji wa Tunduma ambao hawajuhi hatma ya upatikanaji wa eneo jipya la maziko litakavyopatikana.

Wananchi wa mji wa Tunduma walikuwa wakizika ndugu zao kwenye eneo la makaburini lililopo kilometa 1 kutoka katika mji huo lakini eneo hilo limejaa huku baadhi yao wakilazimika kuzika ndugu zao ndani ya kaburi lingine nakuzuka kwa migogoro isiyokuwa na tija.

Akiuliza katika kipindi cha maswali ya papo kwa papo,kwenye kikao cha baraza la madiwani kilichofanyika siku za hivi karibuni,diwani wa kata ya Chipaka,Ayubu Sikagonamo,alisema ni lini halmashauri itatenga eneo kwa ajili ya maziko baada ya eneo lililokuw likitumika kujaa?.

Ayubu katika swali hilo,aliongeza kuwa kumekuwepo na malalamiko na ugonvi mkubwa kwa wananchi kuhusu watu wanaopoteza ndugu zao kuzika ndani ya kaburi ambalo lina mwili uliozikwa zamani katika eneo hilo la Kaloleni,na kwamba amekuwa akipokeamalalamiko hayo.

Akijibu swali hilo,kaimu mkurugenzi wa hakmashauri hiyo,Regina Shashi,alisema ni kweli eneo lile limejaa lakini halmashauri imetenga eneo la muda lililopo kitongoji cha Mpando kwa ajili ya kuwasitili watu wanaotangulia mbele za haki huku wakiendelea kutafuta eneo lingine.

''Mheshimiwa Mwenyekiti,ni kweli eneo la Kaloleni limejaa,lakini tumetenga eneo la Mpando kwa dharula litumike kuzikia watu,kipindi hiki tupo kwenye mchakato wa kutafuta eneo jingine kubwa litakalotumika kwa shughuri za maziko''alisema Shashi.

Mwenyekiti wa halmashauri ya mji wa Tunduma Ally Mwafongo,alisema kutokana na umuhimu wa jambo hilo,alisema mkurugenzi ni lazima ufanya haraka na uhakikishe eneo jipya la maziko linapatikana ili kuondoa migogoro na kero zisizokuwa na tija.

Hata hivyo,halmashauri hiyo imelalamikiwa kushindwa kuwalipa posho wenyeviti wa serikali za mitaa ambapo madiwani walipitisha malipo ya 50,000/ kati ya hizo 20,000 itumike kulipa pango la ofisi na 30,000 ni kwa ajili ya posho lakini utekelezwaji bado ni kitendawili,swali lililoulizwa na diwani wa Tunduma Elode Jivava.

Mkurugenzi Shashi,alisema ni kweli walipitisha malipo hayo,lakini wameshindwa kulipa kutokana na taratibu za malipo hazikuwa vizuri na kwamba katika bajeti ijayo malipo ya wenyeviti hao ambao wanatambua mchango wao wa kujitumakazini yataanza kulipwa.