SERIKALI YAANZA UTEKELEZAJI UJENZI WA DARAJA MTO MOMBA LITAKALOGHALIMU BILIONI 17.

 MOMBA-SONGWE

SERIKALI imeanza  kutekeleza utekelezaji wa mradi wa ujenzi wa daraja kubwa kwa gharama ya Bilioni 17 litakalounganisha mikoa ya Songwe na Rukwa kupitia barabara kuu ya Kamsamba Momba na Kilyamatundu Sumbawanga, hatua inayokuja kufuatia mikoa hiyo kukosa kwa muda mrefu.

Kukosekana kwa mawasiliano katika mto huo kwa muda mrefu kumepelekea wananchi kulazimika kutozwa fedha nyingi pindi wanapotakiwa kuvuka mto momba kwenye kivuko cha wamishonari ili kufuata huduma za kijamii upande wa pili.

Wakizungumza jana na gazeti hili wananchi wa kata za kamsamba wilaya ya Momba na kilyamatundu wialayani Sumbawanga walisema baadhi ya ndugu zao  wameliwa na mamba wakati wakivuka majini kutokana na kukosekana kwa daraja.

Augostino Simwanza mkazi wa Kamsamba alisema wanawake wajawazito na wagonjwa wengine ambao  mara nyingine wanakumbana na kero ya kukosa fedha ya  tozo ili kupita kwenye kivuko kwenda kupata tiba upande wa pili,na kuwa endapo daraja litajengwa wataondokana na kero hiyo.

Subira Peter mkazi wa Kilyamatundu,alisema wamekuwa wakikumbana na hali hiyo kutokana na ukosefu wa daraja na kwamba ukamilikaji wa daraja hilo,kutaongeza fursa za kiuchumi ambapo magari ya kutoka mkoani Rukwa yatavusha bidhaa kwenda Songwe na hata serikali itapaa kiuchumi.

Mtoza fedha kwenye kivuko hicho,Eliud Sinkwazi aliesema kivuko hicho kinachomirikiwa na wamishonari, ambapo mtu anaevuka hutozwa sh. 500, mizigo sh. 500 na pikipiki moja sh. 2500, na kwamba fedha hizo hupelekewa paroko ili kutumika kwa ukarabati wa kivuko hicho pindi kinapoharibika.

Juma Saidi Irando ni mkuu wa wilaya ya Momba alisema tayari serikali imetoa Bilioni 17 na tayari wakandarasi wameanza kujenga kambi kwa ajili ya kuanza ujenzi ambapo unatarajia kukamilika ndani ya miezi 18.

Mathew Chikuti ni mkurugenzi wa halmashauri hiyo,alisema pindi daraja hilo litakapokamilika litaleta tija za kiuchumi na kwamba barabara kuu inayojengwa kutoka Mlowo kwenda momba itapitia kata ya Chitete makao makuu ya wilaya ili wakulima na wafanyabiashara waweze kunufaika na kufikia uchumi wa kati.

Alisema kwa sasa halmashauri hiyo inajiandaa kuanzisha viwanda vidogo na vikubwa ili daraja hilo kubwa likikamilika na barabara ikajengwa kwa wakati watakuwa na uhakika wa kuwepo kwa uchumi wa viwanda katika wilaya hiyo.