SERIKALI MKOANI MBEYA YAUNDA KAMATI KWAAJILI YA KUCHUNGUZA AJALI ZA MOTO ZINAZOTOKEA MKOANI MBEYA

 

MBEYA

SERIKALI   kupitia  mkuu  wa  wilaya  ya   mbeya   imeunda   kamati  maalumu  kwa  ajili  ya  kufanya  uchunguzi  wa  kina juu kuendelea  kujitokeza  matukio  ya   kuungua  kwa  masoko   likiwemo  soko  la  sido jijini  mbeya.

Hatua  hiyo  inakuja  baada   ya    kujitokeza  kwa  ajari  ya  moto  kwenye  soko  hilo  na  kuwasababishia   hasara   kubwa   wafanya  biashara  maeneo hayo.

Kufuatia  kijitokeza  kwa  ajari  ya   moto  hususani  kuungua  kwa  masoko   jijini  mbeya    kituo  hiki  kimefanya  mahojiano  maalumu  na  kamanda   wa  polisi mkoa  mbeya  Mohamad  Mpinga , amesema   baada    ya  kupata  taarifa  jeshi la Polisi kwa kushirikiana na vyombo vingine vya ulinzi na usalama lilifika eneo la Soko la Sido ambalo lina wafanyabiashara mbalimbali wanaouza vitu mbalimbali na kuanza jitihada za kuzima moto pamoja na kuhakikisha usalama watu na mali zao.

Soko hilo limeteketea kwa moto na mali zote zilizokuwa katika soko hilo  ambavyo bado thamani yake haijafahamika  na  kuwa  Chanzo cha moto huo bado hakijajulikana. Hakuna mtu/watu waliokamatwa kuhusiana na tukio hilo. Hakuna madhara ya kibinadamu yaliyoripotiwa kutokea.

Aidha Jeshi la Polisi Mkoani Mbeya linatoa pole kwa wafanyabiashara waliopoteza mali zao kutokana na janga hilo la moto na Mungu awatie nguvu katika kipindi hiki kigumu. Pia tunatoa shukurani kwa wananchi kwa ushirikiano mkubwa uliosaidia kufanikisha kuzimwa moto huo ili usilete madhara makubwa.

Kamanda wa Polisi Mkoa wa Mbeya Naibu Kamishina wa Polisi MOHAMMED R. MPINGA anatoa wito kwa wananchi kuepuka kukimbilia sehemu zenye majanga ya moto kwani ni hatari kwa maisha yao na badala yake wajenge tabia ya kutoa taarifa mapema taarifa kwa vyombo vya ulinzi na usalama kwa ajili ya kuchukua hatua stahiki. Aidha katika matukio kama hayo wananchi wajiepushe na uporaji wa mali za watu badala yake wajikite katika uokoaji pekee.Hata  hivyo   hilo  ni  tukio   la  tatu   kutokea  mkoani  mbeya , ambapo  katika   soko  la   sido  ni  tukio  la   pili kutokea.