NG'OMBE ZAIDI YA 300 WAPIGWA FAINI YA SHILINGI MILIONI 25

 

MOMBA-SONGWE

NG'OMBE zaidi ya 300 wa mfugaji Sarehe Madoshi waliokamatwa na halmashauri ya wilaya ya Momba mkoani Songwe ambao mahakama ilimuamuru mfugaji huyo alipefaini Milioni 25 kwa kosa la kuingiza mifugo hiyo kwenye msitu wa hifadhi ambapo ng'ombe hao waliokuwa chini ya halmashauri wakisubiri kibari cha mahakama kupigwa mnada wamepote kwa mazingira ya utata.

Ng'ombe hao walikamatwa miezi 3 iliyopita ambapo baada ya mahaka kutoa amri kwa mfugaji huyo kulipa faini,walikuwa chini ya uangalizi wa halmashauri ya Momba ambao waliajili watu waliokuwa wakiwatunza kwa muda wote huo wakiwalipa mishahara na posho wakati wakisubiri kibari cha mahakama kupigwa mnada.

Wakati halmashauri ikiendelea na zoezi la kuwatunza ng'ombe hao,ghafra wakajikuta wametoweka katika mazingira ya tata na kupelekea kupata hasara kubwa ya kuwatunza huku wakijikuta wanakosa fedha iliyotakiwa kulipwa na mfugaji huyo.

Akizungumzia hali hiyo afisa mtendaji wa kata ya Chitete,Erasto Simchimba alisema kitendo cha mahakama kuchelewa kutoa kibali ndiyo chanzo ng'ombe hao kutoweka na kwamba endapo kibali kingetolewa ndani ya siku 30 basi halmashauri isingepata hasara kutokana na ng'ombe hao kutoweka.

Aliongeza kuwa usiku wa kuamkia jana, alipigiwa simu na baadhi ya wakazi wa kata hiyo,wakisema wamewaona ng'ombe wakivuka kijiji cha pili kuelekea njia za porini saa nane za usiku huku wakisindikizwa na wafugaji zaidi ya 40 waliokuwa na tochi pamoja na siraha za kijadi.

Alisema baada ya hapo alitoa taarifa polisi na sehemu mbalimbali ambapo msako ulianza licha ya kuwa haukuzaa matunda na kwamba hadi sasa  watu 5 wanashikiliwa wakiwemo waliokuwa zamu ya kulinda ili kutoa ushirikiano na polisi ili kuweza kujua kama wanahusika.

Awali akizungumza na gazeti hili,Afisa mifugo na mazingira wilayani humo,Adolf Tarimo,alisema mifugo hiyo ilikamatwa kwa mujibu wa shiria ya mazingira namba 20 ya mwaka 2014 ambapo mfugaji Sarehe Madoshi kutoka jamii ya wasukuma,aliingiza mifugo hiyo eneo tengefu la hifadhi na kuharibu mazingira.

Hata hivyo mkuu wa wilaya hiyo Juma Irando,alisema licha ya kukiri kuwepo kwa upotevu huo wa mifugo,alisema alisema anaandaa mpango mkakati wa kumpata aliyetorosha mifugo hiyo,na kuwadhibiti wenyeviti wa serikali za vijiji ambao ndiyo wanaowakaribisha wafugaji katika maeneo yao na kusababisha kuwepo kwa wimbi la uharibifu wa mazingira.