MLADI ULIOPEWA KIASI CHA SHILINGI MILIONI 20 KWA UKARABATI UMETEREKEZWA BILA MATENGENEZO YEYOTE

 

SONGWE-SONGWE

MILIONI 20 zilizotolewa na Serikali kwa ajili ya kufanya ukarabati wa vyanzo na kusambaza maji katika kata za Ifwenkenya na Kanga wilayani Songwe mkoani Songwe kupitia idara ya maji miaka kadhaa iliyopita zimezua utata baada ya mradi huo kutelekezwa huku wananchi wakimuangukia mkuu wa wilaya hiyo.

Wakizungumza jana kwenye mkutano wa hadhara ulioitishwa na mkuu wa wilaya hiyo ukiwa na ajenda ya kutatua kero hiyo ya muda mrefu baada ya kuwepo kwa malalamiko juu ya sintofahamu hiyo ambapo wananchi walimueleza mkuu wa wilaya hiyo jinsi wanavyoteseka kutokana na ukosefu wa maji.

Twalib Magida Mkazi wa kijiji cha Ileya,alisema vijiji vyote vilivyopo kwenye kata hiyo havina maji safi na salama hivyo walipoona serikali kupitia idara ya maji wanaanza ukarabati wa mabomba yaliyoharibika walijua kuwa wataondokana na kero hiyo lakini wanashangaa kuona mradi umetelekezwa.

Fakiri Sailoni Mkazi wa Ifwenkenya,alisema walipata taarifa juu ya ujio wa fedha hizo,ambazo zilianza kufanya kazi ya kuondoan changamoto ya maji,lakini wakashikwa na butwaa kuona mradi umetelekezwa pasipo kufahamishwa na kwamba walilazimika kuandika barua kwenye ofisi ya mkuu wa wilaya ili awapatie majibu.

Alisema baaba ya kumpa barua ya malalamiko mkuu wa wilaya,nakala wakaipeleka kwa mkurugenzi mtendaji pamoja na mwenyekiti wa halmashauri wakiomba waelezwe tatizo la kukwama kwa mradi kupitia mkutano mkuu,ambapo leo wamefika na wanahitaji majibu na mpango wa serikali wa utatuzi.

Akijibu hoja hizo za wananchi,mwenyekiti wa halmashauri hiyo,Abraham Sambila,alisema ni kweli mradi ulitengewa fedha na ambazo zilianza utekelezaji kuhusu kutelekezwa kwa mradi mwenyekiti huyo,alimuinua injinia wa maji ili atoe ufafanuzi.

Medson Ngailo kaimu Injia wa maji Songwe,ni kweli serikali ilitenga Milioni 20 kutatua tatizo hilo,lakini fedha iliyokabidhiwa ni Milioni 10 pekee na kwamba kusuasua kwa mradi huo unatokana na ukosefu wa bajeti na hata kukosa michango ya wananchi licha ya kuwa sera ya maji inaeleza wazi kuhusu kuchangia.

Alisema sera ya maji pamoja na miongozo ya wizara inaelekeza juu ya uchangiaji huduma ya maji kwa wananchi eneo la mradi ili kuufanya uwe endelevu ambapo idaran ya maji iliweka utaratibu wa kuchangia huduma hiyo kwa shilingi 500 kwa ndoo,ambapo michango hiyo inasuasua.

 
Baada ya majibu hayo,Mwenyeki Sambila,aliiagiza kamati ya maendeleo ya kata zote mbili zikae kujadili suala la kuchangia kupitia mikutano wakati wakisubiria serikali itoe milioni 10 iliyobaki na kwamba hataruhusu halmashauri itoe fedha hizo mpaka pale atakapojiridhisha kuwa michango imeanza kutolewa.Mkuu wa wilaya hiyo,Samwel Jelemiah,alisema ni kweli serikali iliahidi fedha hizo na ikatoa nusu lakini viongozi wa kata wanatakiwa wahamasishe michango kama sera ya maji inavyosema maana wakitegemea fedha za serikali hali itazidi kuwa mbaya